Шерзат Давлатов - VI Ислам Ынтымақтастығы ойындарының күміс жүлдегері

Сауд Арабиясының Ар-Рияд қаласында өтіп жатқан VI Ислам Ынтымақтастығы ойындарында дзюдодан финал өтіп жатыр.

Ұлттық құрама спортшысы (-60 кг) Шерзат Давлатов ақтық сында Салих Йылдызға (Түркия) ескерту саны бойынша есе жіберді.

Айта кетейік, отандасымыз бүгін ширек финалда Мұса Әбубәкірді (Нигерия), жартылай финалда Махмұд Хусейнді (Мысыр) ұтқан.