Халықаралық туризм және меймандостық университетінің 566 түлегіне диплом табысталды

Түркістандағы Халықаралық туризм және меймандостық университетінде 2025 жылғы түлектерге арналған салтанатты диплом табыстау рәсімі өтті. Биыл 566 студент жоғары білім дипломын алды. Мерекелік іс-шара IUTH GRADUATION GALA-2025 форматында ұйымдастырылды.

Халықаралық туризм және меймандостық университеті – туризм саласында халықаралық деңгейдегі жоғары білікті мамандар даярлайтын еліміздегі алғашқы бейінді жоғары оқу орны. Биыл диплом алған 566 түлектің 85-і қазірдің өзінде жұмысқа орналасқан. Сонымен қатар 78 түлек оқуын үздік аяқтады.

Айта кетейік, былтыр университеттің алғашқы 460 түлегі диплом алған еді. Бүгінде олардың 93%-ы тұрақты жұмыспен қамтылған. Бұл – білім беру бағдарламасының сапасы мен еңбек нарығындағы сұраныстың жоғары екенін көрсетеді.