Ақтоты Райымқұлова белгілі ақын Олжас Сүлейменовпен онлайн жүйесі арқылы тікелей эфирде кездесті
Бүгін Қазақстан Республикасының Мәдениет және спорт министрі Ақтоты Райымқұлова Халықтың мемлекеттік органдарға деген сенімін арттыруға арналған Жол картасының 10-тармағын жүзеге асыру аясында «Мәдениеттерді жақындастыру орталығы» мемлекеттік музейінің директоры, белгілі ақын Олжас Сүлейменовпен ZOOM платформасы арқылы кездесті.
Кездесу барысында музейдің 2021-2022 жылдарға жоспарланған қызметі, негізгі бағыттары мен кей мәселелер талқыланды.
Айта кетейік, «Мәдениеттерді жақындастыру орталығы» мемлекеттік музейі «Мәдениеттерді жақындастырудың 2013-2022 жылдарға арналған халықаралық онжылдығы» бағдарламасы аясында көптеген мəдени іс-шараны ұйымдастырып келеді.
Енді аталған бағдарламаның жалғасы ретінде ЮНЕСКО қамқорлығындағы Халықаралық Мәдениеттерді жақындастыру орталығымен бірлесе «Білім мәдениеті» жобасы жүзеге асырылады. Жоба мақсаты - адамзат қоғамының тұрақты дамуына үлес қосу.