Adaldyq alany жобалық кеңсесінің өкілдері Нұр-Сұлтан қаласындағы спорт мекемелерінің басшыларымен кездесті

Бүгін Қазақстан Республикасы Мəдениет жəне спорт министрлігінің Жауапты хатшысы Бақытжан Темірболаттың төрағалығымен Adaldyq alany жобалық кеңсесінің Мəдениет жəне спорт министрлігі бойынша жетекшісі Марат Қамзолдаев, Мəдениет жəне спорт министрінің кеңесшісі Мерген Дүйсенов, Adaldyq alany жобалық кеңсесінің өкілі Айгүл Сақтағанова жəне Нұр-Сұлтан қаласындағы спорт саласындағы Министрлікке бағынысты ұйым басшыларының қатысуымен онлайн кездесу өтті.

Жауапты хатшы Adaldyq alany жобалық кеңсесінің жетекшілігімен Министрлікке бағынысты ұйымдарда сыбайлас жемқорлыққа қарсы күреске бағытталған жүйелі жұмыс жүргізіліп жатқанын айтты.

Мәселен, Министрлік басшылығы жəне агенттіктің жауапты қызметкерлері бағынысты мекемелердің басшылары, мемлекеттік сатып алуға жауапты мамандары, қаржы бөлімінің мамандарымен кездесулер өтті.

Биыл маусым мен тамыз аралығында жобалық кеңсе қызметкерлері Министрлікке бағынысты оқу орындарындағы емтихандарға қатысып, мəдениет жəне спорт саласындағы колледждерге барды.

Сонымен қатар сəуір мен маусым аралығында Министрлікке бағынысты оқу орындары базасында сыбайлас жемқорлыққа қарсы аудит тексерісінің негізгі кезеңі өткен еді.

Аталған тексеріс барысында кейбір сыбайлас жемқорлықтың пайда болу жайттары мен жұмыс барысындағы келеңсіздіктер анықталды. Нəтижесінде жобалық кеңсе мамандары тиісті кеңестер айтып, ескертулер жасады.

Енді Министрлікке бағынысты спорт мекемелері базасында сыбайлас жемқорлыққа қарсы аудит жүргізіледі.

Аудиттің мақсаты - коррупция қаупін азайту, мекемелердің қызметіндегі жариялықты қамтамасыз ету.