Қазақстан Республикасы Туризм және спорт министрлігінің Туризм индустриясы комитеті азаматтардың назарына экваторлық-тропикалық климаты бар Еуразия, Африка, Оңтүстік Америка және Океания сынды елдерде жұқпалы және паразиттік аурулардың таралуы туралы ақпаратты жеткізеді.
Бұл аурулардың көпшілігі біздің елде жоқ немесе сирек кездеседі.
Бұл аймақтардағы жылы және ылғалды климат қоршаған ортадағы микроорганизмдердің ұзақ өмір сүруіне, жәндіктер мен гельминттердің белсенді көбеюіне ықпал етеді. Инфекциялар мен паразиттік аурулар көбінесе су, ластанған және жеткіліксіз өңделген тағамдар, қан сорғыш жәндіктер, ауру адаммен немесе ластанған қоршаған ортамен байланыста жұғады.
Тропикалық инфекциялар адамның ішкі құрылысына, терісіне, көзіне, жүйке жүйелеріне әсер етуі мүмкін, ауыр және емдеу қиын. Сонымен қатар, ыстық климаты бар елдерде адам денсаулығына айтарлықтай зиян келтіретін улы өсімдіктер мен жануарлар бар.
Сондай-ақ, қан сорғыш жәндіктерге қарсы құралдарды қолдану маңызды.
Туристік маусым қарсаңында Қазақстан Республикасының азаматтарын демалыс жоспарланған елдегі эпидемиологиялық жағдай туралы мәліметтерді медициналық мекемелер мен туроператорлардан алдын ала нақтылауға шақырамыз.