5-6 қыркүйекте Үрімші қаласында ҚР Көлік министрлігі, «АЕО» АҚ және ШҰАА көлік департаменті өкілдерінің қатысуымен қағаз бланкілерінен электрондық форматқа көшіруге қатысты кездесу өтті.

Биыл Қазақстан мен Қытай Халық Республикасы арасында автомобиль жүк тасымалының айтарлықтай өсімі байқалды. 2024 жылдың басынан бері 170 мың бланк алынды. Салыстырмалы түрде 2023 жылдың 8 айында 113.000-нан астам бланк пайдаланылған.

Осыған орай, кездесу барысында екі жақтың техникалық мамандары аталған жобаны жүзеге асыру үшін қажетті практикалық іс-шаралардың егжей-тегжейлі жоспарын талқылады.

Кездесу қорытындысы бойынша тараптар биыл қарашада электрондық рұқсат бойынша алғашқы тестілік жол жүруді өткізуге және 2025 жылғы қаңтардан бастап рұқсат бланкілерімен электрондық алмасу жүйесін іске қосуға келісті.