ҚР ИИДМ Көлік комитетінің көліктік бақылау органдарына сыбайлас жемқорлық тәуекелдерінің алдын алу бойынша ішкі талдау жүргізу туралы

ҚР ИИДМ Көлік комитетінің көліктік бақылау органдарына сыбайлас жемқорлық тәуекелдерінің алдын алу бойынша ішкі талдау жүргізу туралы

ҚР ИИДМ Көлік комитеті "Сыбайлас жемқорлыққа қарсы іс-қимыл туралы" Қазақстан Республикасы Заңының 8-бабының 5-тармағына, "Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы" Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 19 қазандағы бұйрығына сәйкес, "Сыбайлас жемқорлық тәуекелдеріне ішкі талдау жүргізудің кейбір мәселелері туралы" Қазақстан Республикасы Инвестициялар және даму министрінің 3.07.2019 жылғы № 474 бұйрығы негізінде аумақтық көліктік бақылау инспекцияларының қызметіндегі сыбайлас жемқорлық тәуекелдеріне ішкі талдау жүргізеді.

         Талдау нәтижелері бойынша мынадай бұзушылықтар анықталады:

  1.       Әкімшілік іс жүргізу кезінде іс жүргізу нормаларын бұзу (ҚР ӘҚБтК 811-бабының нормаларын бұзу бөлігінде (қысқартылған іс жүргізу), айыппұлды ерікті төлеудің жеті күн мерзімі өткенге дейін қаулы енгізу (жеке немесе заңды тұлғаларға олардың құқықтарын, бостандықтары мен заңды мүдделерін іске асыруға кедергі келтіру)); ӘҚБтК-нің 803-бабы 5-бөлігінің талаптарын бұзу бөлігінде істі қараудың орны мен уақыты , істі қарауды кейінге қалдыру туралы өтініш (жеке немесе заңды тұлғаларға олардың құқықтарын, бостандықтары мен заңды мүдделерін іске асыруға кедергі келтіру) тиісті түрде хабарланғаны туралы деректердің болмауы.), әкімшілік жауапкершілікке тарту мерзімдерін бұзу, белгіленген мерзімнен кейін әкімшілік жауапкершілікке тарту, айыппұлдарды дұрыс салмау фактілері);
  2.       Автомобиль тасымалдаушысын дұрыс анықтамау салдарынан тасымалдаушының жауапкершілігінен шығару;
  3.       Жеке кәсіпкер ретінде тіркелген жағдайда жеке тұлғалар сияқты әкімшілік айыппұлдар салу;
  4.       Автокөлік құралдарының жүріп өткені үшін алымды дұрыс есептемеу фактілері анықталды;
  5.       ҚР ӘҚБтК-нің 571-бабының 9-бөлігі бойынша жүкжөнелтушілерді тартпауды білдірген, автомобиль көлігі туралы заңнаманы бұзған тұлғаларға қатысты әкімшілік сипаттағы шараларды қабылдамауға байланысты сыбайлас жемқорлық тәуекелдері анықталған, жүкке құжаттары болған кезде арнайы рұқсатсыз автокөлік құралдарының рұқсат етілген салмақтық және габариттік параметрлерден асып кету фактілері анықталған кезде;
  6.       Әкімшілік құқық бұзушылық туралы істер бойынша іс жүргізу тәртібін бұзумен байланысты сыбайлас жемқорлық тәуекелдері.

         Жүргізілген талдау нәтижелері бойынша Әкімшілік құқық бұзушылық туралы кодекстің (ӘҚБтК), қысқартылған іс жүргізуді қолдану бөлігінің мүлтіксіз сақталуын, ӘҚБтК-де белгіленген іс жүргізу нормаларының, оның ішінде іске қатысушы адамдардың заңмен кепілдік берілген құқықтарының сақталуын қамтамасыз ету, әкімшілік істерді қарау процесін аудио-,бейнежазба құралдарымен тіркеуді қамтамасыз ету, әкімшілік құқық бұзушылық құқығын пайдаланбаған немесе тиісінше пайдаланбаған соң әкімшілік құқық бұзушылықты қарау бойынша шаралардың мүлтіксіз қабылдануын қамтамасыз, инспекция қызметкерлері арасында тұрақты түсіндіру жұмыстарын жүргізу, сондай-ақ техникалық құралдарды пайдалану ережелері талаптарының сақталуын қамтамасыз ету.

         Сондай-ақ, Көлік комитетінің басшылығы тоқсан сайынғы негізде аумақтық инспекция басшыларының қатысуымен қызметкерлердің бақылау қызметін жүзеге асыру кезінде сыбайлас жемқорлық тәуекелдерінің алдын алу мәселелері бойынша селекторлық кеңестер өткізеді.

         Сонымен қатар, еңбек және атқарушылық тәртіпті бұзғаны үшін аумақтық инспекцияның 150 қызметкері тәртіптік жауапкершілікке тартылды (23 – қызметке толық сәйкес еместігі туралы ескерту, 27 – қатаң сөгіс, 38 – сөгіс, 62 ‒ ескерту).

Бұдан басқа, 2019-2020 жылдардағы сыбайлас жемқорлықтың алдын-алу бойынша әлсіз жұмыс үшін көліктік бақылау инспекциясының 8 басшысы тәртіптік жауапкершілікке тартылды (БҚО, ШҚО, Атырау, Қызылорда, Жамбыл, Маңғыстау және Алматы облыстары, Алматы қаласы және Нұр-Сұлтан қаласы).

         Сонымен қатар, барлық жылжымалы және стационарлық көліктік бақылау бекеттерінде лауазымды тұлғаға пара бергені үшін қылмыстық жауапкершілік көзделгені туралы тиісті жадынамалар орнатылғанын хабарлаймыз, сондай-ақ, сыбайлас жемқорлық құқық бұзушылық туралы жүк тасымалдаушыларға 1424 Call-орталық арқылы ақпарат беруге болады.   

         Бұл ретте, азаматтардың өтініштеріне жедел ден қою мақсатында Комитеттің ахуалдық орталығында 98-35-35 нөмірлі "сенім телефоны" және "WhatsApp" мессенджері +77080880800 қарастырылған.

Айта кету керек, ағымдағы жылы "Adaldyq alany" жобалық кеңсесінің өкілдерін және жұртшылықты тарта отырып, көліктік бақылау бекеттерінің мониторингі бойынша жұмыстар жүргізу жоспарлануда.

                ҚР ИИДМ Көлік комитетінің баспасөз қызметі