Министрлік қызметкерлері арасында дәстүрлі спартакиада өтіп жатыр

ҚР Көлік министрлігі мен Өнеркәсіп және құрылыс министрлігінің қызметкерлері арасында армрестлинг, үстел теннисі, арқан тарту, волейбол және футболдан спартакиада ұйымдастырылып, қорытындысы аптаның соңында шығарылатын болады.

Спартакиаданың ашылу салтанатында сөз алғанкөлік саласына жауапты министр Марат Қарабаев дәсүрлі түрде жыл сайын өтетін аталған іс-шараның маңызы зор екенін атап өтті. Ведомство басшысы салауатты өмір салтын сақтауға шақырып, қатысушыларға сәттілік тіледі.

«Әлбетте, мұндай спорттық жарыс­тар ұжымның ұйымшылдығын арттырып, қызметкерлеріміздің денсаулығын нығайтады. Қазақта «Шынықсаң, шымыр боларсың» деген жақсы сөз бар. Сондықтан әрқашан салауатты өмір салтын сақтап жүрейік, достар! Спартакиада қатысушыларына сәттілік тілеймін! Жарыстың әділ өтетініне сенімдімін», — деді министр өз сөзінде.

Көлік министрлігі мен Өнеркәсіп және құрылыс министрлігі қызметкерлерінен жалпы саны 10 команда жасақталған. Тартысты өтіп жатқан спартакиада барысында сонымен бірге ведомство қызметкерлерінің балалары үшін арнайы аниматорлардың қатысуымен іс-шаралар ұйымдастырылып, бүлдіршіндер ерекше көңілкүйге бөленді.

Айта кетерлігі, жыл сайын өтетін дәстүрлі Спартакиаданың басты мақсаты – бұқаралық спортты дамыту, саламатты өмір салтынқалыптастыру, дене шынықтыру мен спортты насихаттау. Өйткені спорт – денсаулық кепілі, достықтың берік тұтқасы, ал дені сау жастар – егемен еліміздің ертеңі.