КӨЛІК КОМИТЕТІ ТЕҢІЗШІЛЕРДІ ДАЙЫНДАУ ЖӘНЕ ДИПЛОМДАУ МӘСЕЛЕЛЕРІ БОЙЫНША САПА МЕНЕДЖМЕНТІ ЖҮЙЕСІН ЕНГІЗДІ

Теңізшілерді дайындау және дипломдау, вахтаны атқару туралы халықаралық конвенция талаптарына сәйкес, Көлік комитетінде, Ақтау және Баутино порттарының теңіз әкімшілігінде ISO 9001:2015 халықаралық стандартына сәйкес сапа менеджменті жүйесі (бұдан әрі – СМЖ) енгізілді.

Осы сапа менеджменті жүйесі (СМЖ) теңізшілердің кәсіби дипломдарын және олардың растауларын, жеңілдік рұқсатын, сондай-ақ теңіз білім беру ұйымдары мен теңіз тренажер орталықтарын куәландыру, олардың оқу бағдарламаларына келісім беру кезінде ұстану үшін міндетті сапа стандарттарын белгілейді.

СМЖ-нің болуы, сонымен қатар халықаралық стандартарға сәйкес қызметтерді қолдау бойынша тиімді мониторингті және шараларды уақтылы қабылдауды қамтамасыз етеді.

Биыл 23 қарашада СМЖ ISO 9001:2015 стандартына сәйкестік сертификатын және IQNet сертификаттау бойынша Халықаралық Органдар Ассоциациясының сертификатын бере отырып, DQS Holding GmbH халықаралық компаниясы сәтті сертификациялады.