"Автомобиль көлігі туралы" 2003 жылғы 4 шілдедегі Қазақстан Республикасының Заңы 13-бабының 23-7) және 23-12) тармақшаларына сәйкес БҰЙЫРАМЫН:

      1. Қоса беріліп отырған:

      1) осы бұйрыққа 1-қосымшаға сәйкес Автомобиль көлігімен қауіпті жүктерді тасымалдау қағидалары;

      2) осы бұйрыққа 2-қосымшаға сәйкес Қазақстан Республикасының аумағында автокөлік құралдарымен тасымалдауға жол берілетін қауіпті жүктердің тізбесі бекітілсін.

      2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

      1) осы бұйрықтың заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесіне ресми жариялауға жіберуді;

      3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық оның алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Ұлттық экономика министрі

      _________________ Е. Досаев

      2015 жылғы 26 маусым

      "КЕЛІСІЛГЕН"

      Қазақстан Республикасының

      Ішкі істер министрі

      _________________ Қ. Қасымов

      2015 жылғы 27 сәуір

Автомобиль көлігімен қауіпті жүктерді тасымалдау қағидалары

1-тарау. Жалпы ережелер

      Ескерту. 1-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      1. Осы Автомобиль көлігімен қауіпті жүктерді тасымалдау қағидалары (бұдан әрi – Қағидалар) "Автомобиль көлiгi туралы" 2003 жылғы 4 шiлдедегi Қазақстан Республикасының Заңына (бұдан әрi – Заң) және Қазақстан Республикасының өзге де нормативтік құқықтық актілеріне сәйкес әзірленді.

      2. Қағидалардың әрекеті Қазақстан Республикасының аумағы арқылы қауiптi жүктерді тасымалдаумен байланысты жеке және заңды тұлғаларға қолданылады.

      Қауiптi жүктердi автокөлiк құралдарымен халықаралық тасымалдау Қауіпті жүктерді халықаралық жолдарда тасымалдау туралы Еуропалық келісімнің (ҚЖХЖТ), Қазақстан Республикасының халықаралық шарттарының талаптарын сақтаумен жүзеге асырылады.

      3. Тасымалдау, тиеу-түсiру жұмыстарын жүргiзу және сақтау кезiнде оларға тән қасиеттерге қарай техникалық құралдардың, құрылғылардың, ғимараттар мен құрылыстардың жарылуына, өртенуіне немесе бүлiнуiне, сондай-ақ адамдардың, жануарлардың өлiм-жiтiмiне, жарақат алуына және ауруына себеп болуы, қоршаған табиғи ортаға зиян келтiруi мүмкiн кез келген заттар, материалдар, бұйымдар, өндiрiстік және өзге де қызмет қалдықтары қауiптi жүктер деп танылады.

      4. Қағидаларда пайдаланылатын негізгі ұғымдар:

      1) автомобиль көлігі құралы (бұдан әрі – автокөлік құралы) – автобустарды, шағын автобустарды, жеңіл және жүк автомобильдерін, троллейбустарды, автомобиль тіркемелерін, ершікті тартқыштарға жартылай тіркемелерді, сондай-ақ арнайы бейімделген автомобильдерді (жүктердің белгілі бір түрлерін тасымалдауға арналған) және арнаулы автомобильдерді (әртүрлі, көбінесе көлікке арналмаған жұмыстарды орындауға арналған) қамтитын, автомобиль көлігі жылжымалы құрамының бірлігі;

      2) автомобильмен тасымалдаушы (бұдан әрi - тасымалдаушы) - меншiк құқығымен немесе өзге де заңды негiздерде автокөлік құралдарына иелiк етушi, жолаушыларды, багажды, жүктердi немесе поштаны тасымалдауда ақыға немесе жалға қызметтер көрсететiн заңды немесе жеке тұлға;

      2-1) БҰҰ нөмірі – заттың немесе бұйымның төрт сандық сәйкестендіру нөмірі;

      3) жүк алушы - жүкті автомобильмен тасымалдау шарты негізінде немесе өзге де заңды негіздерде жүк алуға уәкілетті жеке немесе заңды тұлға;

      4) жүк жөнелтуші - оның атынан жүк жөнелту ресімделетін жеке немесе заңды тұлға;

      5) 1, 6 және 7-сыныпты қауіпті жүктерді тасымалдауға арналған арнайы рұқсат – 1, 6 және 7-сыныпты қауiптi жүктерді тасымалдауға құқық беретін уәкілетті орган берген қағаз тасығыштағы рұқсат беру құжаты немесе электрондық құжат.

      5. Қауiптi жүктердi тасымалдау кезiнде "Қауіпті жүктер. Сыныптау" 19433.1-2010 – МемСТ, "Қауіпті жүктер. Сынау әдістері" 19433.2-2010 – МемСТ және "Қауіпті жүктер. Таңбалау" 19433.3-2010 – МемСТ, және Қауіпті жүктерді халықаралық жолдарда тасымалдау туралы Еуропалық келісімнің (ҚЖХЖТ) қолданыстағы стандарттарына, сондай-ақ автомобиль көлігі саласындағы құзыретті орган бекіткен Қазақстан Республикасы аумағында автокөлік құралдарымен тасымалдауға жол берілген қауіпті жүктердің тізбесіне сәйкес қауiптi жүктердiң сыныптамасы қолданылады.

2-тарау. Автомобиль көлігімен қауiптi жүктерді тасымалдауды ұйымдастыру тәртібі

      Ескерту. 2-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      6. Қауiптi жүктердi Қазақстан Республикасының аумағы арқылы тасымалдауды жүзеге асыратын көлiк құралдарының жүргiзушiлерi және қауiптi жүктердi тасымалдау үшiн пайдаланылатын автокөлiк құралдары осы Қағидалардың 4 және 5-тарауларында жазылған белгілі бір талаптарға сәйкес келеді.

      7. Қазақстан Республикасының аумағы бойынша 1, 6 және 7-сыныпты қауiптi жүктерді тасымалдау осы Қағидаларға 1-қосымшаға сәйкес нысан бойынша 1, 6 және 7-сыныпты қауiптi жүктерді тасымалдауға арналған арнайы рұқсат негiзiнде, арнайы бейімделген автомобильмен немесе осы мақсаттар үшін арнайы қайта жабдықталған басқа да автокөлік құралдарымен жүзеге асырылады.

      8. Жүк жөнелтуші (жүк алушы) мен тасымалдаушы арасында "Автомобиль көлігімен жүктерді тасымалдау қағидаларын бекіту туралы" Қазақстан Республикасы Инвестициялар және даму министрінің 2015 жылғы 30 сәуірдегі № 546 бұйрығына сәйкес (Нормативтік құқықтық актілерді мемлекеттік тіркеу тізілімінде № 12463 болып тіркелген) (бұдан әрі – Автомобиль көлігімен жүктерді тасымалдау қағидалары) қауiптi жүк тасымалын жүзеге асыруға арналған шарт жасалады.

      Қауiптi жүктердi тасымалдауға арналған шарт өзiндiк ерекшелiктерiне байланысты, сондай-ақ мынадай:

      1) автокөлiк құралдарын арнайы өңдеу жөнiндегi iс-шаралар туралы;

      2) iлесiп жүрудi ұйымдастыру (қажет болған жағдайда) туралы;

      3) жүргiзушiлердi жеке қорғану құралдарымен қамтамасыз ету тәртiбi туралы;

      4) қауiп және қауiптi жүктi бейтараптандыру туралы ақпарат жүйесiнiң элементтерiмен қамтамасыз ету тәртiбi туралы;

      5) 7-сыныпты қауіпті жүктерді тасымалдау кезінде – жүк жөнелтушіні (жүк алушыны) және тасымалдаушыны жүктің нақты атауы мен мөлшерін, сондай-ақ осы жүкті жөнелту уақыты (болжамды жеткізу мерзімі) және алғаны туралы өзара хабарландыру тәртібі туралы мәлiметтердi қамтуы тиіс.

      9. Жүк қабылдаушы жүктер алынбаған немесе оның жеткіліксіздігі анықталған, атауы сәйкес келмеген жағдайда жүк жөнелтушіні жедел ден қою шараларын қабылдау үшін қауіпті жүкті тасымалдауға рұқсат берген уәкілетті органды күнтізбелік үш күн ішінде хабардар етеді.

      10. Қауiптi жүктi тасымалдау шартын жасасу тауар-көлiк жүкқұжатын жасаумен расталады.

      Қауiптi жүктi тасымалдау кезiнде тасымалдаушының төрт данада жасалатын және Заңға сәйкес жүк жөнелтушi мен тасымалдаушы қол қоятын тауар-көлiк жүкқұжаты болуы тиiс.

      11. Тауар-көлiк жүкқұжатының нысаны және оны қолдану тәртiбi Автомобиль көлігімен жүктерді тасымалдау қағидаларына сәйкес анықталады.

      12. Жүк жөнелтушi тасымалдаушыға қауiптi жүктердi тасымалдауға жасалған шартпен бiрге мыналарды:

      1) әрбір автокөлік құралына арналған "Қауіпті жүк" айырым белгісі;

      2) қауiптi жүктiң әрбiр түрiне жүргiзушiге арналған нұсқаулықты ұсынады.

      13. 1, 6 және 7-сыныпты қауiптi жүктi тасымалдауға Қазақстан Республикасының аумағында автокөлік құралдарымен тасымалдауға жол берілген қауіпті жүктердің тізбесі Заңға сәйкес тасымалдаушы қауiптi жүкті тасымалдау маршрутын әзiрлейдi.

      Тасымалдау маршрутын әзiрлеген кезде тасымалдаушы мынадай негiзгi талаптарды басшылыққа алады:

      1) маршрут маңында iрi өнеркәсiп объектілері болмауы тиiс;

      2) маршрут iрi елдi мекендер арқылы өтпеуi тиiс. Қауiптi жүктердi iрi елдi мекендердің iшiмен тасымалдау қажет болған жағдайда маршрут ойын-сауық, мәдени-ағарту, оқу, мектепке дейiнгi және емдеу мекемелерiнiң қасынан өтпеуi тиiс;

      3) тасымалдау маршрутында көлiк құралдарының тұрақ орындары көзделуі тиiс.

      14. Кеден одағы комиссиясының 2011 жылғы 16 тамыздағы № 770 шешімімен бекітілген Кеден одағының "Пиротехникалық бұйымдардың қауіпсіздігі туралы" техникалық регламентінің Пиротехникалық бұйымдары бар қауіпті жүктердің сыныптамасына сәйкес 1.4-ішкі сыныбы бар пиротехникалық бұйымдарды тасымалдау кезінде тасымалдауға рұқсатты ресімдеу талап етілмейді.

      16. Көрiнуi 300 метрге дейiн шектелген кезде (тұман, жаңбыр, қар жауу) 1, 6 және 7-сыныпты қауiптi жүктердi тасымалдауға рұқсат етілмейді, бұл туралы нақты қауiптi заттар мен бұйымдарды қауiпсiз тасымалдау шарттарында көрсетiледi.

3-тарау. 1, 6 және 7-сыныпты қауіпті жүкті тасымалдауға арнайы рұқсат беру тәртібі

      Ескерту. 3-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      17. Автокөлік құралымен 1, 6 және 7-сыныпты қауіпті жүкті тасымалдауды жүзеге асыруға арналған арнайы рұқсатты (бұдан әрі – арнайы рұқсат) Қазақстан Республикасы Индустрия және инфрақұрылымдық даму министрлігі Көлік комитетінің аумақтық бөлімшесі (бұдан әрі – аумақтық бөлімше) береді.

      18. Арнайы рұқсат бір немесе бірнеше бірдей тасымалдауға, сондай-ақ белгіленген маршрут арқылы тасымалданатын қауіпті жүктер тобына 1 жылдық мерзімге беріледі.

      1, 6 және 7-сыныпты қауіпті жүктерді тасымалдауға арналған арнайы рұқсаттар қағаз немесе электрондық түрде осы Қағидаларға 1-қосымшаға сәйкес нысан бойынша дайындалады.

      Қағаз тасығыштағы рұқсат бланкілері қатаң есептегі бланкілер болып табылады және қолдан жасаудан арнайы қорғалуымен баспаханалық тәсілмен дайындалады.

      Тасымалдаушы немесе оның өкілі арнайы рұқсатты алу үшін осы Қағидаларға 2-қосымшаға сәйкес нысан бойынша "Азаматтарға арналған үкімет" мемлекеттік корпорациясы" коммерциялық емес акционерлік қоғамына (бұдан әрі - Мемлекеттік корпорация), "Электрондық үкіметтің" веб-порталы арқылы және аумақтық бөлімшеге өтініш береді.

      19. Қажетті құжаттар тізбесі:

      1) қауіпті жүктерді тасымалдау үшін пайдаланылатын көлік құралын тіркеу туралы куәліктің, сондай-ақ егер ол тасымалдаушының меншігі болып табылмаса, осындай көлік құралын иелену құқығын заңды негіздерде растайтын құжаттың көшірмесі;

      2) қауіпті жүктерді тасымалдайтын көлік құралы жүргізушісінің дайындығы туралы куәліктің (қауіпті жүктерді автокөлік құралдарымен тасымалдауға рұқсат беру туралы куәлік) көшірмесі.

      20. Аумақтық бөлімше өтініш келіп түскен күні оны осы Қағидалардың 3-қосымшасына сәйкес Автомобиль көлігімен қауіпті жүктерді тасымалдауды жүзеге асыруға өтініштерді тіркеу және арнайы рұқсаттарды беру журналына тіркейді.

      22. Арнайы рұқсатты беру немесе беруден бас тарту туралы шешімді аумақтық бөлімше арнайы рұқсатты алуға өтінішті тіркеген күнінен бастап 2 жұмыс күні ішінде қабылдайды.

      Қабылданған шешім туралы мәліметтер тасымалдаушыға немесе оның өкіліне жазбаша немесе электрондық түрде аумақтық бөлімшеде, Мемлекеттік корпорацияда, порталдағы пайдаланушы кабинетінде беріледі.

      23. Арнайы рұқсатты беруден мынадай негіздер:

      1) тасымалдаушы немесе оның өкілі арнайы рұқсатты алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

      2) тасымалдаушының және (немесе) арнайы рұқсатты беру үшін қажетті ұсынылған материалдардың, объектілердің, деректердің және мәліметтердің Қауiптi жүктердi халықаралық жолдарда тасымалдау туралы Еуропалық келiсiмде (ҚЖХЖТ) және осы Қағидаларда белгіленген талаптарға сәйкес келмеуі;

      3) тасымалдаушыға қатысты оның қызметіне немесе арнайы рұқсатты алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы бойынша бас тартады.

      24. Аумақтық бөлімше берілген арнайы рұқсаттардың тізілімі осы Қағидалардың 8-қосымшаға сәйкес нысан бойынша жүргізеді, онда:

      1) арнайы рұқсатты берген органның атауы;

      2) тасымалдауға рұқсат берілген қауіпті жүктің сыныбы, нөмірі, атауы және сипаттамасы;

      3) белгіленген маршрут және ол арқылы қозғалыс шарты;

      4) жүкті іс жүзінде тиеу және түсіру орны;

      5) жүк жөнелтушінің және жүк алушының орналасқан орны;

      6) тасымалдаушы туралы мәлімет;

      7) арнайы рұқсаттың қолдану мерзімі және берілген күні;

      8) арнайы рұқсаттың нөмірі көрсетіледі.

4-тарау. Қауіпті жүктерді тасымалдайтын автокөлік құралдарына қойылатын талаптар

      Ескерту. 4-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      25. Қауіпті жүктерді тасымалдайтын автокөлік құралдары мынадай талаптарға сәйкес келеді:

      1) қауіпті жүктерді тасымалдайтын көлік құралдарының конструкциясына, жабдығына және техникалық жай-күйіне қойылатын жасап шығарушы зауыттың құрылымдық-техникалық сипаттамаларына және Қазақстан Республикасының стандарттау жөнiндегi нормативтік құжаттарына;

      2) тіркеу құжаттарының деректеріне;

      3) Қауіпті жүктерді халықаралық жолдарда тасымалдау туралы Еуропалық келісімінде (ҚЖХЖТ) белгіленген нақты қауiптi заттар мен бұйымдарды қауiпсiз тасымалдау шарттарына;

      4) Қазақстан Республикасы Денсаулық сақтау министрінің 2017 жылғы 31 мамырдағы № 359 бұйрығымен бекітілген (Нормативтік құқықтық актілерді мемлекеттік тіркеу тізілімінде № 15695 болып тіркелген) "Жолаушылар мен жүктерді тасымалдауға арналған көлік құралдарына қойылатын санитариялық-эпидемиологиялық талаптар" санитариялық қағидаларына;

      5) Қазақстан Республикасы Үкiметiнiң 2014 жылғы 13 қарашадағы № 1196 қаулысымен бекiтiлген Қазақстан Республикасының жол жүрісі қағидаларына (бұдан әрi – Жол қозғалысы қағидалары);

      6) жүргiзушiлердiң еңбек және демалыс режимiн тiркейтiн бақылау құрылғыларымен (тахографтармен) жабдықталуына;

      7) Жол жүрісі қағидаларына және Қауіпті жүктерді халықаралық жолдарда тасымалдау туралы Еуропалық келісімге (ҚЖХЖТ) сәйкес тану белгiлерiмен жабдықталуына;

      8) Қазақстан Республикасының стандарттау жөнiндегi қолданыстағы нормативтiк құжаттарына сәйкес жарамды құралмен және жабдықпен жинақталуына;

      9) қажет болған жағдайларда тасымалданатын қауiптi затты бейтараптандыратын құралдармен және жүргiзушi мен iлесiп жүрушi қызметкердiң жеке қорғану құралдарымен жасақталуына;

      10) бақылаусыз төгілу, қауіпті жүк шығарынды болған жағдайда халықты хабардар етудің жергілікті жүйесімен жабдықталуына.

      1, 6 және 7-сыныптағы қауіпті жүктерді тасымалдайтын автокөлік құралдары қозғалыс жылдамдығы, маршрутының сақталуы туралы деректерді нақты уақыт режимінде үздіксіз беру құрылғыларымен қосымша жабдықталады.

      26. Автокөлiк құралының конструкциясындағы өзгерiстер автокөлiк құралын жасап шығарушы зауытпен келiсiлуi тиiс.

5-тарау. Автокөлік құралдарымен қауiптi жүктердi тасымалдауды жүзеге асыратын жүргiзушiлерге қойылатын талаптар

      Ескерту. 5-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      27. Автокөлiк құралымен қауiптi жүктердi тасымалдауды жүзеге асыратын жүргiзушiлер мынадай талаптарға сәйкес келеді:

      1) тиісті санаттағы жүргізуші куәлiгiнiң болуы;

      2) осы санаттағы көлік құралының жүргiзушiсi ретiнде кемiнде үш жыл үздiксiз жұмыс өтiлiнiң болуы;

      3) Автомобиль көлігімен жүктерді тасымалдау қағидаларына 1-қосымшаға сәйкес жол парағына белгi қоя отырып, кәсіби жүргiзушiлер үшін жалпы медициналық куәландырудан және рейс алдында және рейстен кейін медициналық тексеруден өтуі;

      4) Осы Қағидаларға 5-қосымшаға сәйкес нысан бойынша жүргізушіге Қазақстан Республикасының аумағы арқылы қауіпті жүкті тасымалдауға рұқсат беру туралы куәліктің болуы.

6-тарау. Қауіпті жүктерді тасымалдайтын көлік құралдарының Қазақстан Республикасының аумағы арқылы жүріп өту тәртiбi

      Ескерту. 6-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      28. Тасымалдауды жүзеге асыратын жүргізуші сапар басталғанға дейін қауіпті жүктерді тасымалдау бойынша рейс алдында нұсқау алуы және оның мынадай ілеспе құжаттары болуы тиіс:

      1) автокөлік құралына тіркеу құжаттары;

      2) "Қауiптi жүк" белгiсi бар, осы Қағидалардың талаптарына сәйкес тасымалдау маршруты көрсетiлген жол парағы;

      3) Осы Қағидаларға 4-қосымшаға сәйкес жүргiзушiлерге арналған нұсқаулық;

      4) Осы Қағидаларға 5-қосымшаға сәйкес нысан бойынша жүргiзушiге Қазақстан Республикасының аумағы арқылы қауiптi жүктердi тасымалдауға рұқсат беру туралы куәлiк;

      5) Осы Қағидаларға 6-қосымшаға сәйкес нысан бойынша Қазақстан Республикасының аумағына автокөлік құралдарымен тасымалдауға рұқсат етілген қауiптi жүктер тізбесіне сәйкес Қазақстан Республикасының аумағында автокөлік құралдарымен тасымалдауға жiберiлетiн 1, 6 және 7-сыныпты қауiптi жүкті тасымалдау маршрутының бланкiсi;

      6) тауар-көлiк жүкқұжаты;

      7) жүк жөнелтуші әзiрлеген авариялық жағдайда әрекет ету жоспары;

      8) тасымалдаушының, жүк жөнелтушiнiң, жүк алушының, қозғалыс маршруты бойынша орналасқан көлiктi қауiпсiз пайдалануды қамтамасыз етуді бақылау, жол қозғалысы қауiпсiздiгi, азаматтық қорғау саласындағы және жою жөнiндегi уәкiлеттi органдардың мекенжайлары мен телефондары.

      29. Жүргiзушi қауiптi жүк тасымалының белгіленген маршрутын және тұрақ орындарын қатаң сақтайды.

      Қауiптi жүгі бар автокөлік құралын жүргізу кезінде жүргiзушiге:

      1) автокөлiк құралын орнынан кенеттен қозғауға;

      2) кенеттен тежеуге;

      3) қозғалтқыш пен iлiнiсуi ажыратылған күйде қозғалуға;

      4) қозғалыс кезінде автокөлік құралында темекі шегуге (тоқтаған кезде автокөліктің тұрған орнынан кемiнде 50 метр жерде темекi шегуге рұқсат етiледi);

      5) отты ашық пайдалануға (ерекше жағдайларда тамақ дайындаған кезде автокөлiктің тұрған орнынан кемiнде 200 метр қашықтықта от жағуға рұқсат етiледi);

      6) автокөлiк құралын қадағалаусыз қалдыруға болмайды.

      30. Қауiптi жүктердi тасымалдайтын көлiк құралдарының Қазақстан Республикасының аумағы арқылы қозғалуы Жол жүрісі қағидаларына және осы Қағидаларға сәйкес жүзеге асырылады.

      31. Қауiптi жүк тасымалдайтын автокөлiк құралында бiр тiркемеден (немесе жартылай тiркемеден) артық болмауы тиiс.

      32. Қауiптi жүктердi тасымалдау кезiнде автокөлiк құралдарының қозғалыс жылдамдығын шектеу Жол жүрісі қағидаларына сәйкес белгiленедi.

      Қауiптi жүктi тасымалдау кезiнде қозғалыс жылдамдығын белгiленген шектеу жағдайында автокөлiк құралында рұқсат етiлген жылдамдық көрсетiлген тану белгiсi орнатылуы тиiс.

      33. Қауiптi жүктердi 5 және одан көп автокөлiк құралдарынан тұратын колоннамен тасымалдаған кезде оның құрамында жүктiң осы түрiн тасымалдауға арналған резервтi бос автокөлiк құралының болуы мiндеттi. Резервтiк автокөлiк құралы колоннаның соңында жүруi тиiс.

      34. Автокөлiк құралдарының колоннасымен қауiптi жүктердi тасымалдау кезiнде тасымалдаушы немесе жүк жөнелтушi (жүк алушы) бөлетін iлесiп жүру автомобилiнiң (автомобильдерiнiң) болуы мүмкiн.

      Iлесiп жүру автомобилі алынып жүретiн көлiк құралдарының алдында жүруi тиіс.

      Ілесіп жүру автомобилi тасымалдау кезінде мiндеттi түрде қосылуға тиіс қызғылт сары түстi жарқылдауық маякпен жабдықталады.

      35. Егер қозғалыс процесінде жол жүру қауiпсiздiгiн қамтамасыз ету мақсатында жол жүрісін реттеу жөнiндегi қосымша іс-шараларды жүргізудің қажеттiлiгi туындаса, жол жүрісі қауіпсіздігін қамтамасыз ету жөніндегі уәкілетті органның патрульдiк автомобилiнiң iлесiп жүруi жүзеге асырылады.

      36. Ерекше қауiптi жүктердi тасымалдау кезінде жүргiзушiлердiң елдi мекендерде демалуға тоқтауына рұқсат етіледі.

      Тұрғын үй құрылыстары мен адамдардың көп шоғырланған жерінен кемінде 200 метр қашықтықта немесе осыған арнайы бөлінген жерлерде тұруға рұқсат етiледi.

      Автокөлiк құралы аялдаған немесе тоқтап тұрған кезде тоқтау тежегiшi мiндеттi түрде қосылуы тиiс, ал еңiсте қосымша сырғуға қарсы тiреуiш қойылуы керек.

      Қауiптi жүктерді тасымалдайтын автокөлік құралдарының тоқтайтын және тұратын орындары қауiптi жүкті тасымалдау маршрутында көрсетiледi.

      37. Қауiптi жүктерді тасымалдайтын автокөлік құралдары мүмкiндiгiнше жалпы пайдаланымдағы автожанармай құю станцияларында қосымша жанармай құймай, бүкіл сапар жолына жетерлiктей отынмен қамтамасыз етiледi.

      Қажет болған жағдайда жалпы пайдаланымдағы автожанармай құю станцияларында жанармай құю автожанармай құю станциясының аумағынан кемiнде 25 метр қашықтықта орналасқан алаңда станциядан темiр канистрлермен немесе арнайы осы мақсаттар үшiн көзделген жылжымалы май құю станцияларынан алынып жүргiзiледi.

      38. Жол-көлiк оқиғасы туындаған жағдайда жүргiзушi:

      1) оқиға болған жерге бөгде адамдарды жiбермейдi;

      2) зардап шеккен адамдарға алғашқы медициналық көмек көрсетедi және қажет болған кезде жедел медициналық жәрдем шақыртады;

      3) болған оқиға туралы азаматтық қорғау саласындағы уәкiлеттi органға, сондай-ақ басқа да мүдделi органдарға хабарлайды;

      4) жүргiзушiге арналған нұсқаулықтағы нұсқамаға және апаттық жағдайда iс-қимыл жоспарына сәйкес апаттық ахуалдың салдарын жою бойынша шаралар қабылдайды;

      5) оқиға болған жерге келген осы Қағидалардың 28-тармағының 8) тармақшасында атап көрсетiлген уәкiлеттi органдардың өкiлдерiн қауiп-қатер және қабылданған шаралар туралы хабардар етедi.

      39. Қауiптi жүктерді тасымалдауға қатысушылар адамдардың денсаулығы мен өмiрiне, қоршаған ортаға зиян келтiрудi болдырмау мақсатында қауiпсiздiктi қамтамасыз ету жөніндегі тиiстi ұйымдастыру және техникалық шаралар қабылдайды.

      Қауiптi жүктерді жөнелтушілердің және (немесе) тасымалдаушылардың негізгі немесе қосымша қызметі қауiптi жүктерді тасымалдауды немесе онымен байланысты тиеу-түсіру операцияларын қамтыса, өз құрамында тасымалдау процесінің қауіпсіздігіне жауапты қызметкерлері болады.

      Қауіпті жүктерді тасымалдау үшін барлық қолданыстағы маршруттардан адамдардың денсаулығы мен өмiрiне, қоршаған ортаға зиян келтiрудi болдырмау мақсатында тасымалдаушы қауіптілігі мейлінше төмен маршрутты таңдайды.

7-тарау. Көлік құралын халықаралық қатынаста қауіпті жүктерді тасымалдауға жіберу туралы куәлікті беру тәртібі

      Ескерту. 7-тараудың тақырыбы жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      40. Көлік құралдарын халықаралық қатынаста қауіпті жүктерді тасымалдауға жіберу туралы куәлікті (бұдан әрі – Жіберу туралы куәлік) аумақтық бөлімшелер міндетті техникалық қарап тексеруден өтудің белгіленген мерзімділігіне сәйкес келесі міндетті техникалық қарап тексеруден өту мерзімі көрсетілген техникалық қарап тексерудің диагностикалық картасы негізінде береді.

      Жіберу туралы куәлік техникалық қарап тексерудің диагностикалық картасының қолданыс мерзіміне беріледі.

      41. Осы Қағидаларға 7-қосымшаға сәйкес тасымалдаушы немесе оның өкілі рұқсат беру туралы куәлікті алу үшін электрондық құжат нысанындағы өтінішпен бірге портал арқылы аумақтық бөлімшеге өтініш жасайды.

      43. Жіберу туралы куәлікті беруді немесе берудегі дәлелді бас тартуды аумақтық бөлімше өтініш тіркелген күнінен бастап бір жұмыс күні ішінде жүзеге асырады.

      44. Жіберу туралы куәлікті беруден бас тартуға негіз белгіленген нысандағы өтініште ұсынылған анық емес және (немесе) толық емес мәліметтер болып табылады.

1, 6 және 7-сыныпты қауiптi жүктерді тасымалдауға арналған арнайы рұқсат №

      Ескерту. 1-қосымша жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      Тасымалдаушының атауы

      Тасымалдаушының орналасқан жері және телефоны

      Тасымалданатын қауіпті жүктің класы, БҰҰ нөмірі, атауы және сипаттамасы

      Көлік құралының түрі, маркасы

      Автомобильдің мемлекеттік тіркеу белгісі

      Тіркеменің (жартылай тіркеменің) мемлекеттік тіркеу белгісі

      Арнайы рұқсаттың қолданылу мерзімі

      _____________бастап________________дейін

      _____________ жүруге жарамды

      Тасымалдау маршруты

      Жүк жөнелтушінің мекенжайы және телефоны

      Жүк алушының мекенжайы және телефоны

      Тасымалдау маршрутының аралық пункттерінің мекенжайы және авариялық

      қызметтің телефондары

      Тұрақтар және отын құю орны

      Уәкілетті органның лауазымды адамының тегі, аты, әкесінің аты (ол болған жағдайда) және берілген күні

      Арнайы рұқсатты қолданудың ерекше шарттары

      Қадағалау бақылау органдарының лауазымды адамдарының белгілері

      Шектеулер

      Тіркеу нөмірі және күні

      (Аумақтық бөлімше ресімдейді)

      _____________________________

      (аумақтық бөлімшенің атауы)

Өтініш

      Ескерту. 2-қосымша жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      ________________________________________________________________________

      (заңды тұлғаның атауы немесе жеке кәсіпкердің және жеке адамның тегі, аты,

      әкесінің аты (ол болған жағдайда), төлқұжат деректері) қауіпті жүкті

      тасымалдауға арнайы рұқсатты ресімдеуді (қайта ресімдеуді) сұрайды

      ________________________________________________________________________

      (тасымалдаушы тасымалдауды жүзеге асыратын қауіпті жүктің классы, БҰҰ

      нөмірі, атауы және сипаттамасын көрсету)

      Тасымалдау ______________ көлік құралымен жүзеге асырылады

      ________________________________________________________________________

      (көлік құралының түрін, маркасын, автомобильдің, тіркеменің және ашық

      тіркеменің мемлекеттік тіркеу нөмірлерін көрсету)

      ________________________________________________________________________

      (тасымалдау маршрутын, қауіпті жүкті тасымалдау күнін және мерзімін,

      тиеу және түсіру орнын көрсету)

      Қосымша хабарлаймын:

      ________________________________________________________________________

      (қауіпті жүкті жөнелтушінің және жүк алушының атауы, нақты пошталық

      мекенжайы, телефон нөмірі, факс немесе электрондық поштаның мекенжайы)

      Қажетті құжаттар өтінішке қоса беріледі. Ұсынылған құжаттардың

      тұпнұсқалылығын және дұрыстығын растаймын.

      Арнайы рұқсаттың қолдану мерзімін ______________ бастап ____________________

      дейін ____________ жол жүруге белгілеуді сұраймын.

      Лауазымы                   Қолы

Автомобиль көлігімен қауіпті жүктерді тасымалдауды жүзеге асыруға өтініштерді тіркеу және арнайы рұқсаттарды беру журналы

      Ескерту. 3-қосымша жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

Жүргiзушiге арналған нұсқаулық

      Жүргiзушiге арналған нұсқаулық нақты маршрутта осы қауiптi жүктi тасымалдауды жүзеге асыру кезiнде автокөлiк құралының жүргiзушiсiне басшылық етушi нұсқаманы қамтуы тиiс.

      Бұл ретте нұсқаулыққа мынадай ақпарат енгiзiледi:

      1. Нұсқаулық берiлетiн жүргiзушiнiң деректерi, қауiптi жүктердi тасымалдау бойынша дайындығы туралы куәлiктiң №.

      2. Автокөлiк құралының, автокөлiк ұйымының деректерi, олардың деректемелерi.

      3. Жүктi жiберушi, қауiптi жүкпен шығу күнi мен уақыты.

      4. Жүктi алушы, қауiптi жүктi жеткiзудiң бағдарланған күнi мен уақыты.

      5. Қозғалыс маршруты.

      6. Автокөлiк ұйымының гаражына қайтып оралудың бағдарланған уақыты.

      7. Қауiптi жүк туралы деректер.

      _____________________________________________________________________

      Жүктiң атауы | Қауiптi жүктiң | Қауiптiлiк | БҰҰ тiзiмi

      | класы | № | бойынша №

      _____________________________________________________________________

      ___________

      Синонимдер

      _____________________________________________________________________

      ____________________

      Физикалық қасиеттерi | Қауiптiлiк белгiлерi

      _____________________________________________________________________

      Қайнау температурасы, ⁰ С

      Балқу температурасы, ⁰ С

      Ұшқыштық (бу қысымы)

      Бу тығыздығы (aуa бойынша)

      Тығыздық (cу бойынша)

      Суда ерiгiштiк

      _____________________________________________________________________

      Өрт және жарылыс қаупi

      _____________________________________________________________________

      Ұшқындау | Өздiгiнен | |От алу шектерi, ⁰ С

      Температурасы | от алу |Булардың от алу

      |_______________________________

      (тұтану), ⁰ С |температурасы, ⁰ С | аумағы | төменгi | жоғарғы

      _____________________________________________________________________

      | | | |

      _____________________________________________________________________

      Адам үшiн қауiптiлiгi

      _____________________________________________________________________

      ____________

      ПДК мг/м ³ | ЛД _50. мг/кг (iшке | ЛД _50. мг/м ³ | ЛК _50. мл/м ³

      | түскен кезде) | (терi арқылы) |

      _____________________________________________________________________

      _____________________________________________________________________

      Ағзаға түсу жолдары

      Уыттылық әсерi

      Терiге және шырышты

      қабықшаға әсерi

      Қауiптiң өзге түрлерi

      Экологиялық қауiпсiздiк

      _____________________________________________________________________

      Қауiптiлiк туралы ақпараттық жүйенiң авариялық карточкасы

      Өрттi өшiру құралдары

      _____________________________________________________________________________

      Ұсынылғандар | Тыйым салынғандар

      _____________________________________________________________________

      _______

      өрт кезiнде | жану кезiнде |

      __________________________________|

      __________________________________|___________________________________________

      Алғашқы көмек шаралары

      _____________________________________________________________________________

      Демдi iшке тарту кезiнде |

      Демдi тоқтату кезiнде |

      Көзге, терiге тиген кезде |

      Жұтқан кезде |

      _____________________________________________________________________

      ________

      Қорғаудың жеке құралдары

      _____________________________________________________________________

      _______

      Тыныс органдарын |

      Көздердi |

      Терiнi |

      _____________________________________________________________________

      ________

      Зиянсыздандырудың тәсiлдерi мен құралдары

      _____________________________________________________________________

      _______

      _____________________________________________________________________

      _______

      Ұйымның бастығы

      (қолы және мөрi)

      _____________________________________________________________________

      _______

      Ескерту: "Синонимдер" бағаны мiндеттi түрде толтырылуы керек

Куәліктің нысаны

1, 6 және 7-сыныпты қауiптi жүктерді тасымалдау маршрутының бланкiсi Қауiптi жүк туралы мәлiметтер

      Ескерту. 6-қосымша жаңа редакцияда – ҚР Инвестициялар және даму министрінің 09.10.2018 № 700 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      Бiр көлiк құралындағы жүктiң жалпы салмағы _______ тонна.

      ____________________________________

      Қозғалыстың ерекше шарттары

      ________________________________________________________________________

      ________________________________________________________________________

      1. Аралықтардағы қозғалыс жылдамдығы____________________________________

      2. Пана (барлық маршрутта, жекелеген учаскелерде)___________________________

      3. Бiрге жүру (барлық маршрутта, жекелеген учаскелерде)______________________

      4. Түндегi қозғалыс (рұқсат етiлген, тыйым салынған)__________________________

      ________________________________________________________________________

      Қозғалыс маршруты

      ________________________________________________________________________

      (елдi мекендердiң, көшелердiң және автомобиль жолдарының атауы)

      1. Жүк жөнелтушiнiң мекенжайы және телефоны

      ________________________________________________________________________

      2. Пункттердiң мекенжайлары және жүк алушының телефондары

      ________________________________________________________________________

      3. Олар арқылы көлiк құралдары өтетiн авариялық қызмет пункттерiнiң мекенжайлары

      және телефондары

      ________________________________________________________________________

      4. Қажет болған жағдайда қауіпті жүктi тапсыруға болатын аралық

      пункттердiң мекенжайлары

      ________________________________________________________________________

      5. Тұрақ орындары

      ________________________________________________________________________

      6. Отын құятын орындар

      ________________________________________________________________________

      7. Тасымалдаушы мен автокөлiк құралының деректерi

      ________________________________________________________________________

      (атауы, тегі, аты, әкесінің аты (ол болған жағдайда), мекенжайы және мемлекеттік

      нөмiрi)

      ______________________________

      _____________________ тасымалдаушы

      (қолы ) 20_ жылғы "___" __________

      ______________________________________________________________________

      (аумақтық бөлімшенің атауы)

Өтініш

      Ескерту. 7-қосымша жаңа редакцияда – ҚР Индустрия және инфрақұрылымдық даму министрінің 19.11.2019 № 860 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      Тасымалдау _______________________________________________________________

      Егер Қазақстан Республикасының заңдарында өзгеше көзделмесе мемлекеттік қызметтер көрсету кезінде, ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісім беремін.

Қазақстан Республикасында автомобиль көлiгiмен тасымалдауға
жiберiлетiн қауiптi жүктердiң тiзбесi