Есть события, после которых ещё долго остаётся ощущение душевного тепла. В них – искренние слова, человеческие истории, воспоминания и особая мудрость людей, за плечами которых целая жизнь и эпоха.
В селе Москворецкое в Международный день пожилых людей состоялось торжественное мероприятие, посвящённое представителям старшего поколения. Здесь звучали слова благодарности и признательности людям, чей жизненный и трудовой путь является примером стойкости, ответственности и любви к родному краю.
Председатель районного маслихата Асанова А.С. поздравила присутствующих с праздником, пожелала им крепкого здоровья, благополучия, душевного спокойствия и как можно больше счастливых лет в кругу родных и близких.
Особое внимание было уделено старейшине сельского округа, труженику тыла Тотьмянину Дмитрию Егоровичу.
В 1971 году он вместе с семьей приехал в село Москворецкое. С тех пор его жизнь была неразрывно связана с ним, оно стало для него настоящим домом.
Он работал в совхозе «Москворецкий»: на стройке, пилораме, трудился сторожем. Работы были разные, но отношение к ней всегда оставалось неизменным – добросовестным и ответственным.
Дмитрий Егорович принадлежит к поколению тружеников тыла. За долгие годы честного труда он неоднократно отмечался почётными грамотами и благодарственными письмами, награждён юбилейными медалями, посвящёнными Дню Победы.
Но за всеми наградами и трудовыми достижениями – прежде всего жизнь человека, для которого самым дорогим всегда была семья.
Вместе с супругой Ниной Васильевной вырастили и воспитали семерых детей. К сожалению, её уже нет, но память о ней бережно живет в сердцах детей и близких.
Семейные традиции продолжаются: дети живут и работают в ТОО «Москворецкое», внося свой вклад в развитие сельского округа.
Сегодня Дмитрий Егорович живёт с дочерью Татьяной, окружен заботой и вниманием, рядом родные люди, а за плечами – уважение односельчан, заслуженное многолетним трудом и достойной жизнью.
Совсем скоро в семье будет ещё один важный повод для радости. 5 ноября Дмитрий Егорович отметит 90-летний юбилей. Это не просто дата – это тысячи прожитых дней, трудовые будни, семейные заботы, радости и испытания. Это воспоминания, которые становятся частью семейной истории и передаются следующим поколениям.
В такие дни особенно хочется сказать спасибо людям старшего поколения – за их труд, стойкость, опыт, мудрость и любовь к родному краю.
Айман Сериковна пожелала Дмитрию Егоровичу крепкого здоровья, душевного спокойствия, благополучия, внимания и заботы близких, а главное – ещё многих счастливых лет в кругу родных.
Пусть рядом всегда будут те, кто дорог сердцу, пусть в доме звучат голоса детей и внуков, а каждый день приносит тепло и добрые встречи.
Потому что уважение к старшему поколению начинается с простого – помнить, ценить и быть рядом.
Бүгін А.С. Асанованың төрағалығымен Тимирязев аудандық мәслихатының кезектен тыс 41-ші сессиясы өтті.
Сессия жұмысына Тимирязев ауданының әкімі Е.Қ. Жаров қатысты. Сондай-ақ жер қатынастары бөлімінің басшысы А.Қ. Қасенов және аудандық сайлау комиссиясының төрайымы Ж.Е. Мәкенова шақырылды.
Отырыс барысында депутаттар күн тәртібіне енгізілген бірқатар мәселелерді қарады.
Негізгі назар ауданның округтік және учаскелік сайлау комиссияларының құрамына өзгерістер енгізуге аударылды. Өзгерістер комиссиялардың жекелеген мүшелерінің өз еркімен міндеттерінен босатылуына және бос орындарды толықтыру қажеттілігіне байланысты болды. Кандидаттар бойынша заңнамада көзделген келісу рәсімдері мен арнайы тексерулер жүргізілді.
Сонымен қатар, депутаттар «СҚО Тимирязев ауданы әкімдігі жанындағы жер комиссиясының дербес құрамы туралы» аудандық мәслихаттың 2025 жылғы 25 маусымдағы № 26/5 шешіміне өзгерістер енгізу мәселесін қарады. Бұл мәселе бойынша жер қатынастары бөлімінің басшысы Азамат Қасенов ақпарат беріп сөз сөйледі.
Қарау қорытындысы бойынша сессияға шығарылған барлық шешімдерді депутаттар бірауыздан қолдады.
Хмельницкий ауылдық округінде халықтың аудан әкімі Е.Қ. Жаровпен кездесуі өтті. Назар аударылған негізгі мәселелер – хмельницкийліктердің күнделікті өміріне тікелей әсер ететін жайттар.
Кездесуге қатысушылар өз сұрақтарын қойып, ұсыныстарымен бөлісті және алдағы жұмыстың басым бағыттарын айқындады.
Денсаулық сақтау, білім беру, абаттандыру және инфрақұрылымды дамыту мәселелеріне ерекше көңіл бөлінді.
Талқылауға аудандық мәслихат төрағасы А.С. Асанова да қатысып, халықпен кері байланыс орнатудың және өзекті мәселелерді бірлесе шешудің маңыздылығын атап өтті.
Бүгінде ауыл тұрғындарын қандай мәселелер толғандырады, қандай мәселелер шешімін тапты және алда қандай міндеттер тұр? Осы мәселелер Тимирязев ауданының әкімі Е.Қ. Жаровтың Белоградов және Дзержинское ауылдарының тұрғындарымен кезекті кездесулерінде талқыланды.
Кездесулерге Тимирязев аудандық мәслихатының төрағасы А.С. Асанова да қатысты.
Белоградовка тұрғындарын, ең алдымен, абаттандыру және әлеуметтік инфрақұрылым нысандарының жағдайы алаңдатады. Негізгі мәселелер қатарында теміржол станциясына дейінгі жолды жөндеу, қосымша жарық шамдарын орнату, мектептің қазандығын жөндеу және балалар ойын алаңын салу мәселелері көтерілді.
Дзержинское ауылдық округіндегі кездесу жақсы жаңалықтардан басталды. Бұған дейін тұрғындарды алаңдатқан интернет байланысына қатысты мәселе бүгінде шешімін тапқан. Ауызсумен қамту жолға қойылып, көшелерге жарықтандыру жұмыстары жүргізілген. Осы мәселелер бойынша тұрғындардан енді өтініштер түспейді.
Сонымен қатар, әлі де шешуді қажет ететін міндеттер бар. Дзержинское тұрғындары балалар ойын алаңын салу, мектептің шатырын және ауылдағы жолдарды жөндеу, сондай-ақ Ақсуат ауылын Дзержинское ауылдық округімен байланыстыратын жолды ретке келтіру қажеттігін айтты.
Мұндай кездесулер – тұрғындардың өзекті мәселелерін ашық айтып, аудан басшылығынан тікелей жауап алуға мүмкіндік беретін маңызды алаң. Сонымен қатар тұрғындар атқарылған жұмыстардың нәтижесін көріп, жаңа міндеттерді де ортаға сала алады.
Кездесулер барысында көтерілген барлық мәселелер бойынша жауапты қызметтер айқындалып, тұрғындардың өтініштері бақылауға алынды. Халықпен ашық диалог жалғаса береді. Бұл өз кезегінде ауданның ауылдық округтеріндегі тұрғындардың өмір сүру жағдайларын жақсартуға бағытталған нақты жұмыстардың да жалғасын табатынын білдіреді.
19 қыркүйекте таң сәріден Тимирязево ауылының көшелері жандана түсті. Ауылдың бейжай қарамайтын тұрғындары, мемлекеттік қызметшілер, кәсіпорындар мен ұйымдардың ұжымдары республикалық «Таза Қазақстан» экологиялық бастамасы мен Дүниежүзілік тазалық күніне орай ұйымдастырылған сенбілікке бір кісідей атсалысты.
Қолдарында – қолғап, сыпырғыш, күрек. Ал жүректерінде туған ауылды таза, жайлы әрі көрікті етуге деген ізгі ниет бар.
Бұл игі бастамадан Тимирязево аудандық мәслихаты аппаратының ұжымы да шет қалған жоқ.
Аудандық мәслихат төрайымы А.С. Асанова ауылды көгалдандыру жұмысына қатысып, қарағай көшеттерін отырғызды. Әрбір отырғызылған ағаштың өзіндік мәні бар. Бұл – болашаққа деген қамқорлық, жасыл желегі жайқалып, Тимирязево тұрғындарын қуантарына деген үміт.
Мәслихат аппаратының қызметкерлері орталық алаңда өздеріне бекітілген аумақты да ретке келтірді: қоқыстарды жинап, гүлзарларды абаттандырып, айналаны тазалады.
Бір қарағанда, бұл – күнделікті атқарылатын қарапайым жұмыс. Алайда туған ауылдың келбеті дәл осындай шағын да ізгі істерден қалыптасады. Таза көшелерден, ұқыпты аулалардан, отырғызылған ағаштардан және қоршаған ортаға бейжай қарамайтын жандардан құралады.
Бүгін отырғызылған қарағайлар тамыры тереңге бойлап, мықты да көрікті болып өссін! Жылдан-жылға күш алып, туған өлкенің ажырамас көркіне айналсын. Тимирязево көркейе берсін, ал туған жерге қамқорлықпен қараудың игі дәстүрі ұрпақтан-ұрпаққа жалғаса берсін.
Бүгін аудан әкімдігінің үлкен мәжіліс залында Санитариялық-эпидемиологиялық қызмет қызметкерлері күніне арналған салтанатты іс-шара өтті.
Бұл күні халықтың санитариялық-эпидемиологиялық саламаттылығын қамтамасыз ету жолында күн сайын еңбек етіп жүрген мамандарға құрмет көрсетілді. Олардың еңбегін «көрінбейтін майдан» деп бекер атамайды. Өйткені кәсібилік, жауапкершілік және күнделікті қажырлы еңбектің артында адамдардың денсаулығы мен қауіпсіздігі тұр.
Құттықтауға аудандық мәслихат төрағасы А.С.Асанова да қосылды. Ол ауданның санитариялық-эпидемиологиялық қызмет ұжымдарын олардың басшылары – Санитариялық-эпидемиологиялық сараптама орталығының басшысы Б.Қ. Серікбаева және аудандық санитариялық-эпидемиологиялық бақылау басқармасының басшысы С.Қ. Симомбаева арқылы құттықтады.
Халықтың санитариялық-эпидемиологиялық саламаттылығын қамтамасыз етуге қосқан елеулі үлесі үшін алғыс білдіре отырып, А.С. Асанова оларға Алғыс хаттар мен естелік сыйлықтарын табыстады.
«Болашақ профилактикалық медицинаға тиесілі» деген екі ғасыр бұрын айтылған сөз бүгінгі күні де өзектілігін жоғалтқан жоқ. Сіздер жұқпалы аурулар мен індеттердің таралу қаупіне қарсы халықты қорғау жолында алғашқылардың бірі болып қызмет атқарасыздар, тамақ өнімдерінің сапасы мен қауіпсіздігін қамтамасыз етуге, қоршаған ортаның қолайсыз факторларының әсерін төмендетуге бағытталған шараларды жүзеге асырасыздар.
Кәсіби мерекелеріңіз құтты болсын! Еңбектеріңіз әрдайым лайықты бағаланып, оның басты нәтижесі халықтың денсаулығы, әл-ауқаты мен қауіпсіздігі болсын», – деді өз сөзінде А.С. Асанова.
Ауданымызда Отбасы күніне орайластырылған Іскер әйелдер форумы өтті. Аудандық мәслихаттың төрағасы ретінде осы маңызды әрі мазмұнды пікір алмасу алаңына үлкен ықыласпен қатыстым.
Кездесуге ауданымыздың дамуына өзіндік үлесін қосып жүрген белсенді әйелдер жиналды. Олардың қатарында білім беру, денсаулық сақтау, мәдениет, полиция салаларының өкілдері, табысты кәсіпкер әйелдер және мол өмірлік тәжірибесі бар ардақты еңбек ардагерлері болды.
Форум жұмысына аудан әкімі Е.Қ. Жаров қатысты. Кездесудің маңызды сәттерінің бірі – Отбасын қолдау орталығының директоры Ш.Б. Қожахметованың таныстырылымы болды. Ол орталықтың күнделікті атқаратын жұмысына жан-жақты тоқталып, балалар мен ата-аналарға психологиялық қолдау көрсету, тәрбие мәселелері бойынша кеңес беру, қиын өмірлік жағдайға тап болған азаматтарға көмек көрсету, түрлі тренингтер мен кездесулер ұйымдастыру, отбасылық жанжалдардың алдын алу және отбасылық құндылықтарды насихаттау бағытындағы жұмыстар туралы мәлімдеді. Сонымен қатар, ауданымыздағы әйелдер табысты жүзеге асырып отырған бизнес-жобалар таныстырылды.
Аудан әкімі отбасы институтын қолдау – сөзсіз басым бағыттардың бірі екенін атап өтті. Орталықтың толыққанды жұмыс істеуі үшін барлық жағдай жасалуда: мемлекеттік ресурстар бөлініп, шалғайдағы округтерге көрсетілетін көмекті қолжетімді ету мақсатында қызметтік автокөлік сатып алуға да қаражат бөлінді.
Форум барысында қолжетімді білім беру мен медициналық қызмет көрсетуден бастап, қиын өмірлік жағдайға тап болған азаматтарға қолдау көрсетуге дейінгі ауқымды мәселелер талқыланды. Ашық микрофон форматы әр қатысушыға өз пікірін білдіріп, ұсыныстарын еркін жеткізуге мүмкіндік берді.
Әріптестеріміз бен аудан тұрғындарының сөздерін тыңдай отырып, айналамызда елге бейжай қарамайтын, қиын сәтте қолдау көрсетіп, көмекке келуге дайын азаматтардың көп екеніне шын жүректен қуандым. Бұл форум әйелдердің даналығы мен іскерлік белсенділігі, мемлекеттік қолдау бір арнада тоғысқанда, қоғам мен отбасыларымыздың игілігі үшін нақты нәтижелерге қол жеткізуге болатынын тағы бір мәрте дәлелдегендей.
Отбасы күніне орай аудандық Мәдениет үйінде «Мерейлі отбасы – 2026» республикалық байқауына қатысқан отбасыларға құрмет көрсетілді.
Бұл күні сахна төрінде аталған әрбір отбасының өзіне тән тағдыры, бірге өткізген жылдары, қуанышы мен сынағы, бала тәрбиесіне арнаған ата-ана еңбегі, перзенттеріне деген қамқорлығы және жақын жандарды біртұтас отбасы ретінде ұйыстырып ұстайтын ерекше рухани күші бар.
Мерекелік шараға отбасылық құндылықтарды жай ғана әдемі сөз емес, күнделікті өмірінің мәні деп білетін, өзара қамқорлықты, сыйластық пен сүйіспеншілікті берік ұстаным еткен жанұялар жиналды. Салтанатты рәсімге аудандық мәслихаттың төрағасы А.С. Асанова, аудан әкімінің орынбасарлары Р.Е. Рамазанов пен М.М. Жұмабаева қатысты.
Биыл Тимирязев ауданының атынан байқауға жеті отбасы қатысты. Өздерінің отбасылық дәстүрлері мен өмірлік тәжірибесін Докучаево ауылының Петрушевскийлер отбасы, Дмитриевка ауылының Бектұрғановтар отбасы, Хмельницкое ауылының Гнатюктер отбасы, Москворецкое ауылының Фетюковтар отбасы, Комсомольское ауылының Кузиндер отбасы, Ақжан ауылының Айтжановтар отбасы және Дружба ауылының Бабкиндер отбасы таныстырды.
Әр отбасына лайықты марапаттары мен бағалы сыйлықтары табысталды. Алайда бұл күннің басты құндылығы дипломдар мен сыйлықтарды табыстауда ғана болған жоқ. Одан да маңыздысы – жерлестерінің назары мен ықыласы, қастарында бірге өмір сүріп, бірге еңбек етіп, бала тәрбиелеп, бір-біріне қолдау көрсетіп жүрген жандарға деген құрметі болды. Олар өздерінің өнегелі өмірімен шынайы отбасылық береке өзара түсіністік пен жүрек жылуынсыз мүмкін еместігін көрсетті.
Шаңырақтың беріктігі қабырғасының мықтылығымен емес, оның ішіндегі адамдардың бір-біріне деген сенімі мен құрметімен өлшенеді. Ал сол шаңыраққа жылу сыйлайтын – махаббат пен қамқорлық. Күнделікті өмірде қарапайым көрінетін осындай құндылықтардан күн сайын адамзат үшін ең ұлы бақыт – отбасыңның болуы бақыты қалыптасады.
Мәслихат төрағасы А.С. Асанованың төрағалығымен Тимирязев аудандық мәслихатының кезекті ХХХХ сессиясы өтті. Депутаттар 2026–2028 жылдарға арналған аудандық бюджетке енгізілетін өзгерістерді қарады. Бұл мәселе бойынша экономика және қаржы бөлімі басшысының міндетін атқарушы Ж. З. Бекішева ақпарат берді.
Жайылымдарды пайдалану мәселесіне ерекше көңіл бөлінді. Жер қатынастары бөлімінің басшысы А.Қ. Қасенов Тимирязев ауданы бойынша жайылымдарды басқару және оларды пайдалану жөніндегі 2024–2028 жылдарға арналған жоспарға өзгерістер енгізу қажеттілігі туралы мәлімдеді.
Тағы бір мәселе аудан әкімдігі жанындағы консультациялық-кеңесші органның жұмысына қатысты болды. Депутаттар оның дербес құрамына өзгерістер енгізді. Бұл органның негізгі міндеті — қылмыстық жазаларды және қылмыстық-құқықтық ықпал етудің өзге де шараларын орындайтын мекемелердің жұмысына жәрдемдесу, сондай-ақ бас бостандығынан айыру орындарынан босатылған адамдардың қоғамға бейімделуіне көмектесу.
Сессия қарауына шығарылған барлық мәселелерді депутаттар талқылап, қолдау білдірді. Отырыс қорытындысы бойынша шешімдердің жобалары бекітілді. Сессия жұмысына аудан әкімінің орынбасары Р.Е. Рамазанов қатысты.
Күнтізбеде өзге күндерден ерекше, ешбірімен шатастыруға келмейтін күндер бар. 1 қыркүйек – сондай айрықша күннің бірі. Балалардың шат күлкісі, құшағына сыймаған гүл шоқтары, үлбіреген ақ бантиктер көмкерген таң тағы да оқушыларды, ұстаздар мен ата-аналарды бір арнаға тоғыстырды. Жазғы демалыстан соң Тимирязев ауданының мектептері есігін айқара ашып, шәкірттерін жаңа оқу жылымен қарсы алды.
Білім күніне арналған салтанатты жиын С. Мұқанов атындағы Тимирязев жалпы білім беретін мектеп-гимназиясында да өтті. Осы айтулы сәттің қуанышын оқушылармен, ұстаздармен және ата-аналармен бірге бөлісуге аудандық мәслихаттың төрағасы Айман Асанова арнайы келді.
Жиналған қауымды Білім күнімен құттықтаған Айман Асанова оқушыларға білім әлеміне қызығушылықпен қадам басып, жаңаны үйренуден жалықпауға, өз күшіне сенуге, қателесуден қорықпауға тілек білдірді. Сондай-ақ әрбір жетістіктің артында табандылық, маңдай тер және жақын жандардың қолдауы бар екенін естен шығармауға шақырды.
«Баршаңызды жаңа оқу жылының басталуымен шын жүректен құттықтаймын! Әрқайсымыз үшін мектеп жылдары жүрек төрінде сақталатын ерекше кезең болып қала береді. Бұл – алғашқы достар табылған, алғашқы жеңістерге қол жеткізген, жақсы ұстаздардан тәлім алған, болашақ туралы арманға қанат бітірген балалық шақтың ең қымбат сәттері.
Бүгін әсіресе мектеп табалдырығын алғаш аттаған бүлдіршіндерімізге ерекше тілегімді жеткізгім келеді. Балалар, бүгін сендер үлкен мектеп өміріне алғашқы қадамдарыңды жасап отырсыңдар. Алдарыңнан әрдайым мейірімді ұстаздар, адал достар мен аяулы ата-аналарың жолықсын. Сұрақ қоюдан, қателесуден және қайта талпынып көруден ешқашан қорықпаңдар. Мектептегі әрбір күндерің сендерге жаңа білім, қызықты жаңалық, қуаныш пен өз күштеріңе деген сенім сыйласын. Алға нық қадам басып, әр күнді қызығушылықпен әрі көтеріңкі көңіл-күймен қарсы алыңдар. Ең бастысы – армандарыңа сенуді ешқашан тоқтатпаңдар!» – деді Айман Асанова.
Жылдар өте келе бүгінгі бүлдіршіндер мектептегі барлық сабақтары мен тапсырмаларын ұмытып қалуы мүмкін. Алайда олардың жүрегінде дәл осы күннің естелігі мәңгі сақталары сөзсіз. Алғашқы гүлдері, жақындарының мейірімді күлкісі, өздері үшін ыстық мектептері және балалық шақтан үлкен өмірге бастар жолдың алғашқы белгісіндей болған алғашқы қоңырау – мұның бәрі олардың жадында қалады.
Бұл жол әрқайсысын жарқын болашаққа бастасын! Өмір жолдары жарық, көңілдері шат, армандары асқақ болсын!