«Астана Innovations» акционерлік қоғамының уақытша өтемдiк тарифтерді бекiту туралы» Қазақстан Республикасы Цифрлық даму, инновациялар және аэроғарыш өнеркәсібі министрлігі Телекоммуникациялар комитеті төрағасының міндетін атқарушының 2024 жылғы 26 маусымдағы № 374/НҚ бұйрығы
Қазақстан Республикасы «Табиғи монополиялар туралы» Заңының 8-бабы 15-тармағына және Қазақстан Республикасының Цифрлық даму, инновациялар және аэроғарыш өнеркәсібі министрінің 2019 жылғы 29 шілдедегі № 181/НҚ бұйрығымен бекітілген Тарифтерді қалыптастыру қағидаларының 15-тармағына сәйкес БҰЙЫРАМЫН:
- «Астана Innovations» акционерлік қоғамы үшін келесі қызметтеріне уақытша өтемдік тарифтер бекітілсін:
- кәбілдік кәрізде кәбілді орнатуға техникалық талаптарды әзірлеу және беру, сондай-ақ кәбілдік канализацияның жаңа учаскелерін жобалау, салу үшін 7 885,45 теңге (ҚҚС-сыз), 1 жыл мерзімге;
- кәбілдік кәріздің арнасында кәбіл-орынды пайдалануға беру 13 536,16 теңге (ҚҚС-сыз), 1 жыл мерзімге.
- «Астана Innovations» акционерлік қоғамының уақытша өтемдiк тарифтерді бекiту туралы» Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті төрағасының 2023 жылғы 25 мамырдағы № 25 бұйрығының күші жойылсын.
- Байланыс саласындағы тарифтерді талдау және реттеу басқармасы (З. Орысбаева) осы бұйрықты «Астана Innovations» акционерлік қоғамының назарына жеткізсін.
- Осы бұйрықтың орындалуын бақылау төраға орынбасары О. Кабеновке жүктелсін.
- Осы бұйрық 2024 жылғы 1 шілдеден бастап қолданысқа енгізіледі.