Марданов Слянбек Шекейұлы 1950 жылы 25 қазанда Шығыс Қазақстан облысы, Тарбағатай ауданы, Тұғыл ауылдық кеңесіне қарасты Қарасуат ауылында дүниеге келген.
1967 жылы Приозерный қонысында Ш.Уәлиханов атындағы орта мектепті бітірген.
1972-2011 жылдары Байтоғас, Ақмектеп ауылдарындағы орталау мектептерінде мұғалім, Қазақстан ЛКСМ Тарбағатай аудандық комитетінің хатшысы, аудандық партия комитетінің жауапты қызметкері, Ақжар ауылындағы Абай атындағы орта мектептің директоры, мұғалімдердің аудандық кәсіподақ комитетінің төрағасы, Қ.Билялов атындағы гимназияның, А.Байтұрсынов, В.Чкалов атындағы орта мектептердің директоры қызметтерін атқарған.
II шақырылған Тарбағатай аудандық мәслихатының депутаты болған .
Марапаттары: Қазақ ССР Білім қоғамы басқармасының алғыс хатымен, облыстық партия комитеттерінің, аудан әкімінің Құрмет громаталарымен, аудандық білім беру бөлімінің алғыс хаттары мен мадақтама грамоталарымен марапаталған.