Аудандық мәслихатының хатшылары I-VII шақырылым

МҰХАМЕДЖАНОВ Манарбек Әзімбекұлы 1954 жылы 21 қарашада Шығыс Қазақстан облысы,Тарбағатай ауданы , Жетіарал ауылында дүниеге келген.1972 жылы орта мектепті үздік бітіргеннен кейін Ласты совхозында жұмысшы болып істеген.

1973-1975 жылдары армия қатарында болған. 1980 жылдан 1997 жылдарға дейін Тарбағатай ауданында комсомол, партия, совет, органдарында аудандық партия комитетінде нұсқаушы, ұйымдастыру бөлімінің меңгерушісі, аудандық партия комитетінің хатшысы, екінші хатшысы, аудандық кеңестің төрағасы, аудандық мәслихаттың хатшысы болып қызмет атқарды. 1997 жылдан 2000 жылға дейін Тарбағатай ауданы әкімінің орынбасары, 2000-2001 жылдары Қазақстан Республикасы Президенті жанындағы Мемлекеттік қызмет Академиясында оқып, үздік белігімен тәмәмдаған. 2001-2004 жылдары Қазақстан Республикасы Мәдениет және ақпарат министрлігінің Шығыс Қазақстан облыстық ақпарат және қоғамдық келісім басқармасы басшысының орынбасары, 2005-2012 жылдары Шығыс Қазақстан облысының тілдерді дамыту басқармасының басшысы болды. 2012-2016 жылдары Қазақстан Республикасы Дін істері Агенттігінің Шығыс Қазақстан облысы бойынша департаментінің директоры, облыстық дін істері басқармаларының басшысы болып істеді. 2016-2017 жылдары Шығыс Қазақстан облысы әкімінің бас инспекторы болып қызмет атқарған.

Қазақстан Республикасының Мәдениет қайраткері құрметті атағы бар, Қазақстан журналистер одағының мүшесі, 5 мемлекеттік медальмен марапаталған.