Әкімдікте әкім жанындағы консультативтік-кеңесші орган ретінде діни бірлестіктермен байланыс жөніндегі кеңес құрылды, Кеңес туралы ереже және Кеңес құрамы бекітілді. Кеңес отырыстары тоқсанына 1 рет өткізіледі, Кеңес шешімдері ұсынымдық сипатта болады. Діни бірлестіктермен байланыс жөніндегі кеңес аудан әкімдігінің 09.02.2022 жылғы №02-42 қаулысына сәйкес құрылды. Кеңес құрамына діни конфессиялардың өкілдері, құқық қорғау органдары мен қоғамдық бірлестіктердің қызметкерлері, депутаттар, БАҚ өкілдері кірді.
Барлық діни бірлестіктер қайырымдылық қызметпен айналысады. Діни бірлестіктер қызметінің мақсаты дінді насихаттау, кез келген діни іс-шараларға, қайырымдылық іс-шараларға белсенді қатысу, жас ұрпақты адамгершілікке, патриотизмге тарту, діни оқыту мен тәрбиелеу, қасиетті орындарға қажылықты ұйымдастыру, жерлеу орындарына қамқорлық жасау. Аудан аумағында діни сипаттағы баспа басылымдары шығарылмайды. Аудан аумағында дәстүрлі емес діни бірлестіктер мен діни-экстремистік топтар тіркелмеген. Сондай-ақ, діни бірлестіктердің аудан аумағында қолданыстағы заңнаманы бұзу фактілері болған жоқ. Барлық конфессиялардың әлеуметтік маңызы бар қызметі қайырымдылық болып табылады.