Қазан айында 166,2 мың бірлік автокөлік құралы есепке қойылды

2023 жылғы қазанында есепке 166,2 мың бірлік автокөлік құралы қойылды¹⁾, бұл көрсеткіш өткен жылдың сәйкес кезеңімен салыстырғанда 1,5 есе артты, оның ішінде автобустар 1,7 есе, жеңіл автомобильдер 1,5 есе және жүк автомобильдері 1,4 есе артты.
Мәселен, 2023 жылғы 1 қарашадағы жағдай бойынша Қазақстанда тіркелген автокөлік құралдарының саны
5 216,1 мың бірлікті құрады, оның ішінде 88% – жеңіл автомобильдер, 9,9% – жүк автомобильдері және 2,1% – автобустар.
Пайдаланылатын отын түрі бойынша көліктің 82,1% бензинмен, аралас отынмен жүретін автомобильдердің үлесі – 7,6%, дизель отынымен – 7,1%, газбен жүретін автомобильдердің саны 11,6 мың бірлікті құрады, көліктің жалпы санында газбаллонды автомобильдің үлесі 0,2%. Тағы 7 074 бірлік автомобиль электр энергиясы есебінен қозғалады (0,1%), өткен жылдың тиісті кезеңімен салыстырсақ, ол кезде 577 бірлік электрлі автомобиль тіркеуде болған.
2023 жылғы 10 айдың ішінде 11 618 жол-көлік оқиғасы тіркеліп, 16 398 адам зардап шеккен. Өткен жылғы тиісті кезеңмен салыстырғанда оқиғалар саны 2% қысқарды, зардап шеккендер саны 5,6% азайды.²⁾
2023 жылғы 1 қарашасындағы жағдай бойынша сақтандыру ұйымдары көлік құралдары иелерінің азаматтық-құқықтық жауапкершілігін міндетті сақтандыру бойынша 50,1млн. теңге сомасына 89 795 сақтандыру төлемін жүзеге асырды ³⁾



1)Қазақстан Республикасы Ішкі істер министрлігінің деректері бойынша.
2) Қазақстан Республикасы Бас прокуратурасының Құқықтық статистика және арнайы есепке алу жөніндегі комитетініңдеректері бойынша.
3) Қазақстан Республикасы Ұлттық Банкінің деректері бойынша