2020 жылғы ақпанда өнеркәсіп өнімдерін өндіруші кәсіпорындар бағасының өзгеруі туралы

Өнеркәсіптік өнімдерге өндіруші кәсіпорындардың бағасы ағымдағы жылғы екі айда (2020 жылғы ақпан 2019 жылғы желтоқсанға) 0,1% төмендеді. Бағаның кен өндіру өнеркәсібінде - 0,4%, өңдеу өнеркәсібінде 0,2% төмендеуі байқалды. Өнеркәсіптік өнімдер 0,3% арзандады, өнеркәсіптік сипаттағы көрсетілетін қызметтер 2,1% қымбаттады.

Өнеркәсіп өнімдерін өндіруші кәсіпорындар бағасының өзгеруі

пайызбен, өсуі+, төмендеуі-

	2020 жылғы ақпан				2020 жылғы қаңтар-ақпан 2020 жылғы қаңтар-ақпанға
	2020 жылғы қаңтарға	2019 жылғы ақпанға	2019 жылғы желтоқсанға	2015 жылғы желтоқсанға
Өнеркәсіп өнімдері, өнеркәсіптік сипаттағы көрсетілетін қызметтерді қоса	-2,0	2,5	-0,1	54,6	3,5
Өнеркәсіп өнімдері	-2,1	2,3	-0,3	58,4	3,4
Өндіріс құралдары	0,3	7,6	0,9	46,9	7,5
Аралық тұтыну өнімдері	-2,5	1,6	-0,4	65,2	3,0
Тұтыну тауарлары	0,3	5,6	0,3	23,6	5,6
Өнеркәсіптік сипаттағы көрсетілетін қызметтер	-0,6	4,1	2,1	22,0	4,4

 

Өткен айда өндіруші кәсіпорындар бағасы мұнайға және табиғи газға - 1%-дан, бензинге 0,6% төмендеді, металл кендеріне - 5,5%, сұйытылған пропан және бутанға - 2,3%, көмірге - 1,4% дизель отынына - 0,9%, мазутқа 0,8% жоғарылады.

Бағаның мырышқа - 5,9%, қара металдар илегіне - 4,9%, қорғасынға - 3,8%, алюминийге 1,1% төмендеуі, олардың асыл металдарға - 1,4%, мысқа 1,1% жоғарылауы байқалды.

Өндірушілер бағасының күрішке және балыққа - 1,6%-дан, бидай ұнына - 1,1%, құс етіне 0,6% төмендеуі, олардың жармаларға - 3,3%, қара бидай ұнына - 3,1%, мал етіне - 1,7%, сүт өнімдеріне - 1,3%, өсімдік майына - 1,2%, макарон өнімдеріне және нанға - 0,5%-дан, қантқа 0,4% жоғарылауы тіркелді.