Солтүстік Қазақстан облысының аумақтық департаментіне жаңа басшы тағайындалды

 

Жорабек Дәуренов ҚР СЖРА статистика бюросының Солтүстік Қазақстан облысы бойынша департаментінің басшысы болып тағайындалды. Бұған дейін ол Астана қаласы бойынша бюро департаментін басқарған.

Жаңа басшыны Ұжымға ҚР СЖРА Ұлттық статистика бюросы басшысының орынбасары Мақсат Тұрлыбаев таныстырды. Жорабек Дәуренов М. Әуезов атындағы Оңтүстік Қазақстан мемлекеттік университетін, Т. Рысқұлов атындағы Қазақ экономикалық университетін Мемлекеттік және жергілікті басқару мамандығы бойынша бітірген.

Еңбек жолын ҚР Қарулы Күштерінде бастаған, кейін жеке секторда жұмыс істеген. 2005 жылдан бастап Жамбыл облысы Сарысу әкімдігінің ішкі саясат бөлімінде еңбек етіп, Сарысу ауданы әкімінің орынбасары лауазымына дейін көтерілген. 2010 жылдан бастап ҚР Мәдениет министрлігі Дін істері комитетінің Астана қаласының Дін істері департаментінде жұмыс істеді. 2013-2018 жылдары «Астана қаласының Дін істері басқармасында», «Халықаралық мәдениет және дін орталығында» басшылық қызметте болды.

2018-2019 жылдары «ҚР Ұлттық экономика министрлігі Статистика комитетінің Ақпараттық есептеу орталығы» ШЖҚ РМК-да Ұлттық санақ бөлімінің бастығы, Өңірлік даму директоры қызметтерін атқарды. 2019 жылдан бастап жаңа лауазымға тағайындалғанға дейін Астана қаласы бойынша ҚР СЖРА Ұлттық статистика бюросы департаментінің басшысы болып жұмыс істеді.