Қазақстан Республикасының ЕАЭО елдерімен өзара саудасы 4,5% көбейді

2022 жылғы қаңтар-тамыздағы Қазақстан Республикасының ЕАЭО елдерімен өзара саудасы 17 280,7 млн АҚШ долларын құрап, өткен жылдың сәйкес кезеңімен салыстырғанда номиналды мәнде 4,5% көбейді*.

2022 жылғы қаңтар-тамыздағы тауарлар экспорты 5 496,5 млн. АҚШ доллары (8% көп), импорт – 11 784,2 млн АҚШ доллары (2,9% көп)деңгейінде қалыптасты.

Қазақстан Республикасының ЕАЭО елдерімен сыртқы сауда айналымының жалпы көлемінде Ресей Федерациясына – 92,5%, бұдан әрі Қырғызстан Республикасына – 4%, Беларусь Республикасына – 3,4%, Армения Республикасына – 0,1% келеді.

 

Қазақстан Республикасының ЕАЭО елдерімен өзара саудасы*

(млн. АҚШ доллары)

	Экспорт		Импорт
	қаңтар-тамыз 2021ж.	қаңтар-тамыз 2022ж.	қаңтар-тамыз 2021ж.	қаңтар-тамыз 2022ж.
Ресей	4 588,1	4 984,6	10 714,3	10 997,8
Қырғызстан	428,8	444,6	225,6	244,7
Беларусь	69,9	60,2	502,8	534,0
Армения	4,7	7,1	6,5	7,6
Барлығы	5 091,6	5 496,5	11 449,2	11 784,2

 

 * Жекелеген жағдайларда қорытынды мен қосылғыштар сомасы арасындағы шамалы айырмашылықтар деректерді дөңгелектеумен түсіндіріледі.

ЕАЭО елдерімен экспорт бойынша өткен жылдың сәйкес кезеңімен салыстырғанда химиялық элементтер бойынша 2 есе өсім байқалады. Бұл ретте күйдірілген пиритті қоса алғанда, темір кендері мен концентраттары бойынша төмендеу байқалады (73,6% аз).

Импортта қара металдардан жасалған дөңгелек қимасы бар өзге де құбырлар мен түтіктер бойынша өсім байқалады – 4 есе.

Бұл ретте жеңіл автомобильдер және өзге де моторлы көлік құралдары бойынша төмендеу байқалады (69,6% аз).