2022 жылғы қаңтар-маусымда қысқа мерзімді экономикалық индикатор 104,5% құрады

Экономикалық сектор

Қысқа мерзімді экономикалық индикатор 2022 жылғы қаңтар-маусымда былтырғы сәйкес мерзімге қарағанда 104,5% құрады. Қысқа мерзімді экономикалық индикаторды есептеу жеделдікті қамтамасыз ету мақсатында жүзеге асырылады және ЖІӨ-ің 60%-ан астамын құрайтын ауыл шаруашылығы, өнеркәсіп, құрылыс, сауда, көлік және байланыс сияқты негізгі салалар бойынша шығарылым индекстерінің өзгеруіне негізделеді.

 

	2022 жылғы қаңтар-маусым	2021 жылғы қаңтар-маусымға пайызбен
Негізгі капиталға салынған инвестициялар көлемі, млрд теңге	5 680,8	102,6
Өнеркәсіп өнімінің (тауарлар, қызметтер) көлемі, млрд теңге	23 825,3	103,5
Ауыл, орман және балық шаруашылығы өнімі (қызметі) жалпы шығарылымының көлемі, млрд теңге	1 763,4	101,4
Құрылыс жұмыстарының көлемі, млрд теңге	2 072,7	109,2
Жүк айналымының көлемі, млрд т-км	293,0	105,6
Жолаушылар айналымының көлемі, млрд п-км	51,3	119,1
Байланыс қызметінің көлемі, млрд теңге	535,5	107,0
Бөлшек сауда көлемі, млрд тенге	6 083,3	101,2
Көтерме сауда көлемі, млрд тенге	14 533,8	108,5
Сыртқы сауда айналымы, млн АҚШ доллары	51 319,1 (2022 жылғы қаңтар-мамыр)	140,7

 

2022 жылғы 1 шілдедегі жағдай бойынша тіркелген заңды тұлғалардың саны 493 444 бірлікті құрады және өткен жылғы тиісті кезеңмен салыстырғанда 5% артты, оның ішінде қызметкерлерінің саны 100 адамнан азы – 484 512 бірлік. Жұмыс істеп тұрған заңды тұлғалардың саны 371 062, оның ішінде 362 337 бірлігі – шағын кәсіпорындар (100 адамнан аз).

Тұтыну бағасының индексі 2022 жылғы маусымда 2021 жылғы желтоқсанмен салыстырғанда 110,5% құрады. Азық-түлік тауарларына бағалар – 15,7%, азық-түлік емес тауарларға – 8,4%, халыққа арналған ақылы көрсетілетін қызметтерге 5,3% өсті. Өнеркәсіп өнімдерін өндіруші кәсіпорындар бағасы 2022 жылғы маусымда 2021 жылғы желтоқсанмен салыстырғанда 12,6% өсті.

 

Әлеуметтік сектор

2022 жылғы мамырда халықтың орта есеппен жан басына шаққандағы атаулы ақшалай табыстарын бағалау бойынша 143 636 (алдын ала деректер) теңгені құрады, бұл 2021 жылғы мамырға қарағанда 10,7% жоғары, нақты ақшалай табыс көрсетілген кезеңде 2,9% төмендеді.

2022 жылғы маусымда жұмыссыздар саны бағалау бойынша 456 мың адамды құрады. Жұмыссыздық деңгейі жұмыс күші санына 4,9% құрады. Жұмыспен қамту органдарында жұмыссыздар ретінде тіркелген адамдар саны 2022 жылғы маусымның соңына 207,3 мың адамды құрады немесе жұмыс күшіне 2,2%.

 

 

www.stat.gov.kz / Ресми статистика / Жарияланымдар / Айлық басылымдар / Қазақстан Республикасының әлеуметтік-экономикалық дамуы