2021 жылы Қазақстан Республикасындағы негізгі капиталға салынған инвестициялар туралы

2021 жылы ел экономикасына 13 242,2 млрд теңге инвестиция салынды, бұл 2020 жылдың деңгейінен 3,7%-ға жоғары.

 

Қаржыландыру көздері бойынша

2021 жылы негізгі капиталға салынған инвестициялардың негізгі қаражат көзі кәсіпорындардың жекеменшік қаражаты болып отыр – 9 362,8 млрдтеңге. Бюджет есебінен тартылған қаражат – 2 071,3 млрд теңгені  құрады, өзге көздерден – қарыз қаражаты–1 462,8 млрд. теңге және банктердің кредиттері – 345,4 млрд. теңге.

 

Технологиялық құрылым бойынша

Ғимараттар мен имараттарды салу және күрделі жөндеу жұмыстарына бағытталған инвестициялық салымдар көлемі 7 988,4 млрд теңгені құрады. 3 478 млрд теңге сомасына жаңа жабдық сатып алынды. Бұл ретте 1 775,8 млрд теңге негізгі капиталға салынған инвестициялар көлеміндегі өзге де шығындарға бағытталды.

 

Пайдалану бағыттары бойынша

Негізгі капиталға салынған инвестициялардың негізгі үлесі тау-кен өндіру өнеркәсібі және карьерлерді қазу (28%), жылжымайтын мүлікпен операциялар (19,6%), өңдеу өнеркәсібі (11,6%), көлік және қоймалау (11,1%), ауыл, орман және балық шаруашылығы (5,8%) және білім (2,1%) салаларында.