2019 ЖЫЛҒЫ ҚАҢТАР-НАУРЫЗДА 220 788 ЖЕҢІЛ АВТОМОБИЛЬ ТІРКЕЛГЕН

2019 жылғы қаңтар-наурызда Қазақстан Республикасында 220788 жеңіл автомобиль тіркелген немесе өткен жылғы тиісті кезеңмен салыстырғанда 10,2%-ға көп. Қазақстан Республикасында 2019 жылғы 1 сәуірдегі жағдай бойынша тіркелген жеңіл автомобильдердің саны 3693,3 мың бірлікті құрады.1)

Ағымдағы жылғы қаңтар-наурызда 4203 адам зардап шеккен 2850 жол-көлік оқиғасы тіркелді. Өткен жылғы тиісті кезеңмен салыстырғанда апаттылық 6,5%-ға азайған.2)

2019 жылғы 1 сәуірдегі жағдай бойынша сақтандыру ұйымдарымен көлік құралдары иелерінің азаматтық-құқықтық жауапкершілікті міндетті сақтандыру бойынша 6,9 млрд теңге сомасына 18178 сақтандыру төлем жүзеге асырылды.3)

 

 

1)Қазақстан Республикасы Ішкі істер министрлігінің деректері бойынша.

2)Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің деректері бойынша.

3)Қазақстан Республикасы Ұлттық Банкі деректері бойынша.