Қазақстан Республикасының ЕАЭО елдерімен өзара саудасы 11% көбейді*

Қазақстан Республикасының ЕАЭО елдерімен 2022 жылғы қаңтар-наурыздағы өзара сауда 5 693,6млн АҚШ долларын құрап, өткен жылдың сәйкес кезеңімен салыстырғанда номиналды мәнде 11% көбейді.

2022 жылғы қаңтар-наурыздағы тауар экспорты 1 743,8млн АҚШ доллары деңгейінде қалыптасты (9,3% көп), импорт – 3 949,8 млн АҚШ доллары (11,8% көп).

Қазақстан Республикасының ЕАЭО елдерімен сыртқы сауда айналымының жалпы көлемі Ресей Федерациясына – 93,3%, бұдан әрі Қырғызстан Республикасына – 3,6%, Беларусь Республикасына – 3%, Армения Республикасына – 0,1% келеді.

Қазақстан Республикасының ЕАЭО елдерімен өзара саудасы

(млн АҚШ доллар )

	Экспорт		Импорт
ЕАЭО елдері	Қаңтар-наурыз 2021ж.	Қаңтар-наурыз 2022ж.	Қаңтар-наурыз 2021ж.	Қаңтар-наурыз 2022ж.
Ресей	1 423,6	1 606,4	3 310,3	3 708,3
Қырғызстан	142,2	122,2	58,3	84,1
Беларусь	28,2	14,0	160,8	155,2
Армения	1,6	1,2	2,3	2,2
Барлығы	1 595,6	1 743,8	3 531,7	3 949,8

 

ЕАЭО елдерімен экспорт бойынша өткен жылдың сәйкес кезеңімен салыстырғанда ең жоғарғы өсім химия өнімі және онымен байланысты өнеркәсіп салалары бойынша болды, оның ішінде жасанды корунд (алюминий оксиді, алюминий гидроксиді) – 3 есе өсім байқалды, импортта жануарлар мен өсімдіктерден алынатын өнімдер, дайын азық-түлік тауарлары, оның ішінде бидай мен меслин өсімі – 4,3 есе.

 

* Алдын ала деректер.

www.stat.gov.kz / Ресми статистика/Салалар бойынша/ Сыртқы және өзара сауда статистикасы