2021 жылғы қаңтар-желтоқсандағы демографиялық ахуалы туралы

2022 жылғы 1 қаңтарға еліміздегі халық саны 19125,6 мың адамды құрады, оның ішінде қалалықтар – 11355,8 мың (59,4%), ауылдықтар –7769,8 мың адам (40,6%). 2021 жылғы 1 қаңтармен салыстырғанда халық саны 248,5 мың адамға немесе 1,3% өсті.

Халықтың табиғи қозғалысы

2021 жылғы қаңтар-желтоқсанда республика халқының табиғи өсімі 2020 жылғы қаңтар-желтоқсанмен салыстырғанда (263,0 мың адам) 1,6% өсіп, 267,3 мың адамды құрады. Табиғи өсімнің жалпы коэффициенті 1000 адамға шаққанда 13,88 адамды құрады.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2021 жылғы қаңтар-желтоқсанда туылғандар саны 450,7 мың адамды құрады, бұл 2020 жылғы қаңтар-желтоқсанға (425,6 мың адам) қарағанда 5,9% көп. Туудың жалпы коэффициенті 1000 адамға 23,41 туылғандарды құрады.

Қарастырылып отырған кезеңде қайтыс болғандар 183,4 мың адамды құрады, бұл 2020 жылғы қаңтар-желтоқсанға (162,6 мың адам) қарағанда 12,8% көп. Өлім-жітімнің жалпы коэффициенті 1000 адамға 9,53 қайтыс болғандарды құрады.

2021 жылғы қаңтар-желтоқсанда республикада 1 жасқа дейін шетінеген 3763 нәресте тіркелді. 2020 жылғы тиісті кезеңмен салыстырғанда (3315 шетінеген нәресте) 13,5% артты. Нәресте өлім-жітімінің коэффициенті 1000 туғандарға шаққанда 8,35 оқиғаны құрады.

Халықтың көші-қоны

Көші-қон қызметі органдары ұсынған мәліметтерді өңдеу нәтижесінде, 2021 жылғы қаңтар-желтоқсанда елімізге тұрғылықты тұруға келгендердің тіркелу саны 10982 адамды, елімізден кеткендердің саны 32209 адамды, көші-қонның айырымы -21227 адамды құрады.

Еліміздегі негізгі көші-қон алмасуы ТМД мемлекеттерімен өтуде. ТМД елдерінен келгендердің және сол елдерге кеткендердің көшіп-қонушылардың жалпы санынан үлесі 85,5% және 85,3% құрады.

Ел ішінде қоныс аударатын көшіп-қонушылар саны 2020 жылғы қаңтар-желтоқсанмен салыстырғанда 10,5%-ке азайды. Өңіраралық қоныс аудару бойынша халық көші-қонының оң айырымы еліміздің 4 өңірінде байқалды: Нұр-Сұлтан (31906 адам), Алматы (29253 адам), Шымкент (9774 адам) қалаларында және Маңғыстау облысында (239 адам).

Пресс-релизді сақтау

www.stat.gov.kz / Ресми статистика / Салалар бойынша / Демографиялық статистика

Орындаушы:	Департамент директоры:	Баспасөз қызметі:	Мекенжай:
Ә. Алданғарқызы	Н.Е. Ханжігітов	Әсем Алданғарқызы	010000, Нұр-Сұлтан қаласы
Тел. +7 (7172) 749002	Тел. +7 (7172) 749061	Тел. +7 (7172) 749002	Мәңгілік ел , 8
		Е-mail: a.aldangarkyzy@aspire.gov.kz	Министрліктер үйі, 4 кіреберіс