Қазақстан Республикасындағы жоғары және жоғары оқу орнынан кейінгі білім беру ұйымдары 2021-2022 оқу жылының басында

Қазақстан Республикасында ағымдағы оқу жылында жұмыс істеп тұрған жоғары және жоғары оқу орнынан кейінгі білім беру ұйымдарының саны 122 құрады, оның ішінде 102 ұйым магистранттарды даярлауды,
74 ұйым – докторанттарды даярлауды және 18 ұйым-резидентура тыңдаушыларын даярлауды жүзеге асырады. Жоғары білім беру бағдарламаларын жүзеге асыратын ұйымдардың жалпы санынан ұйымдардың 74,6% - жеке меншікте, 23,8% - мемлекеттік, 1,6% - шетелдік меншікте.

Студенттер

2021-2022 оқу жылының басында студенттер саны 575,5 мың адамды құрады, оның ішінде әйелдер - 309 мың адам немесе 53,7%. Студенттердің орташа жасы 22,6 жасты, ерлерде – 22,5 жасты, әйелдерде-22,8 жасты құрады.

Студенттердің жалпы санының күндізгі 97,2%, сырттай - 7,3% және кешкі - 2,1% оқу түрінде оқиды. Мемлекеттік жоғары және жоғары оқу орнынан кейінгі білім беру ұйымдарында оқитын студенттердің үлесі 22,1%, жеке ұйымдарда-77,2% құрайды. Жоғары білім беру бағдарламалары бойынша есепті оқу жылында мемлекеттік білім беру гранты бойынша 207,3 мың адам немесе 36% білім алады, ақылы білім беру қызметтерін 368,2 мың адам немесе білім алушылардың жалпы санының 64% алады.

2021-2022 оқу жылының басында қабылданған студенттер саны 159,8 мың адамды құрады, оның ішінде әйелдер – 87,6 мың адам немесе 54,8%. Оқуға түскен студенттердің жалпы санының 65,2% – ы жалпы орта білім беру базасында, 21% – ы техникалық және кәсіптік білім беру базасында және 13,8% - ы жоғары білім беру базасында қабылданды.

Есепті жылы қабылданған студенттердің жалпы санының 2,5% ТМД елдерінен, 0,7% алыс шет елдерден келді; Қазақстан Республикасынан қабылданған студенттердің үлесі 96,8% құрады.

Қаладан тыс жерлерден келген студенттердің жалпы саны 285,4 мың адамды құрайды, олардың 19,6% жатақханаларда тұрады, ал 35,1% мұқтаж. 2021-2022 оқу жылының басында 547,3 мың адам немесе студенттердің жалпы санының 95,1% Қазақстан Республикасының тұрғындары, 18,9 мың адам немесе 3,3% ТМД елдерінен және
9,3 мың адам немесе 1,6% алыс шет елдерден келді. Студенттердің ең көп саны Өзбекстаннан (2,5%) және Үндістаннан (1%) келді.

Магистранттар

2021-2022 оқу жылының басында магистранттардың жалпы саны 36,5 мың адамды құрады, оның ішінде 23 мың адам немесе 63,1% - әйелдер. Мемлекеттік білім беру тапсырысы есебінен 19,5 мың адам немесе магистранттардың жалпы санының 53,4% оқиды, ақылы білім беру қызметін 15,6 мың адам немесе 42,9% алады. Магистранттарды шығару
19,5 мың адамды құрады, оның ішінде диссертация қорғаумен – 19,2 мың адам немесе 98,9%. Магистранттардың орташа жасы 26,8 жасты, резидентура тыңдаушыларының орташа жасы-27,2 жасты құрады.

Докторанттар

2021-2022 оқу жылының басында докторанттардың жалпы саны 5,9 мың адамды құрайды, оның ішінде 3,7 мың адам немесе 63,4% - әйелдер. Есепті жылы қабылданған докторанттардың саны 1720 адамды құрады, ал белгіленген мерзімнен жоғары даярлықтан өткен докторанттардың саны 22 адамды құрады. Докторанттарды шығару
2503 адамды құрады, оның ішінде диссертация қорғаумен – 642 адам немесе 25,6%. Докторанттардың орташа жасы 33 жасты құрады.

Оқытушылар

2021-2022 оқу жылының басында республиканың жоғары және жоғары оқу орнынан кейінгі білім беру ұйымдарында 36,4 мың оқытушы жұмыс істеді, оның ішінде магистрлер - 38%, ғылым кандидаттары - 30,6%, доценттер - 14,4%, философия докторлары (PhD) - 9,4%, ғылым докторлары - 7,3%, профессорлар - 6,5% және бейіні бойынша докторлар-0,4% құрады.

Пресс-релизді сақтау

www.stat.gov.kz / Ресми статистика / Салалар бойынша / Білім беру статистикасы

Орындаушы:	Департамент директоры:	Баспасөз қызметі:	Мекенжай:
Нуржанова А.А.	Ханжігітов Н.Е.	Әсем Алданғарқызы	010000, Нұр-Сұлтан қаласы
Тел. +7 (7172) 749258	Тел. +7 (7172) 749061	Тел. +7 (7172) 749002	Мәңгілік ел , 8
		Е-mail: a.aldangarkyzy@aspire.gov.kz	Министрліктер үйі, 4 кіреберіс