Өнеркәсіп және сауда кәсіпорындарының іскерлік белсенділігі

Өнеркәсіп кәсіпорындарының басшылары 2021 жылғы IV тоқсанда өткен 2021 жылғы III тоқсанмен салыстырғанда өндіріс көлемінің және дайын өнiмге сұраныстың сол деңгейде қалғаның белгіледі.

Іскерлік белсенділігінің өзгеруін сипаттайтын кәсіпкерліктің сенімділік индексі 1% құрады.

Жақын арадағы келешекте өнеркәсіп кәсіпорындары басшыларының ой-пікірлері бойынша ағымдағы уақытпен салыстырғанда қаржы-шаруашылық қызметінің жақсаруы күтіледі.

2021 жылғы IV тоқсанда сауда кәсіпорындары басшыларының бағалауы бойынша тұтынушылар сұранысы мен іскерлік белсенділігі 2021 жылғы III тоқсанмен салыстырғанда азайды.

2021 жылғы IV тоқсанда сұралған сауда кәсіпорындарының іскерлік белсенділігін сипаттайтын кәсіпкерліктің сенімділік индексі (-4%) құрады.

Сауда кәсіпорындарының 65% ағымдағы уақытпен салыстырғанда өзгеріссіз, 11% жақсаруын және 13% өзінің қаржы-шаруашылық қызметінің нашарлайтындығын күтеді.

Өнеркәсіп кәсіпорындарының кәсіпкерліктің сенімділік индексі нақты қалыптасқан сұраныс деңгейін бағалау және дайын өнімнің қоры (соңғысы кері белгімен), сондай-ақ өндіріс көлемінің болжалды өзгерістері «баланстарының» арифметикалық орта мәні ретінде пайызбен есептеледі.

Сауда кәсіпорындарының кәсіпкерліктің сенімділік индексі нақты қалыптасқан экономикалық жағдай деңгейін бағалау мен қоймадағы қорлар (соңғысы кері белгімен), сондай-ақ экономикалық жағдайдың болжалды өзгерістері «баланстарының» арифметикалық орта мәні ретінде пайызбен есептеледі. Зерттеліп отырған кәсіпорынның шаруашылық қызметінің сол немесе өзге көрсеткішінің «өсуін» және «кемуін» атап өткен респонденттердің пайыздық үлесінің айырмашылығы баланс деп ұғынылады.

www.stat.gov.kz / Ресми статистика / Салалар бойынша / Конъюнктуралық зерттеулер статистикасы

Орындаушы:	Департамент директоры:	Баспасөз қызметі:	Мекенжай:
Ж.Т.Әбдәлімова	Ә.Е.Нақыпбеков	Әсем Алданғарқызы	010000, Нұр-Сұлтан қаласы
Тел. +7 (7172) 749814	Тел. +7 (7172) 749717	Тел. +7 (7172) 749002	Мәңгілік ел , 8
		Е-mail: a.aldangarkyzy@aspire.gov.kz	Министрліктер үйі, 4 кіреберіс