Санақтан онлайн өткендер саны 6 миллионнан асты

Респонденттердің Ұлттық халық санағының онлайн мүмкіндіктеріне деген қызығушылығы жоғары. Оған шара басталған сәттен бергі көрсеткіштер дәлел. Егер алғашқы екі аптаның ішінде (1-15 қыркүйек аралығы) сауалнамаға 3 млн. қазақстандық жауап қатса, 22 қыркүйек күні санақтан өткендер саны 5 млн-ға жетті. 28 қыркүйекте көрсеткіш 6 млн-нан асып отыр. Осылайша, халық санағына қатысқан азаматтардың үлесі 30%-тен асты (31,8%)

Онлайн санақ ыңғайлылығы мен жылдам өту мүмкіндігімен ерекшеленеді. 28 қыркүйек сағат 17:00-дегі жағдай бойынша 6044448 респондент онлайн санақтан өтті. Олардың 5223509-ы sanaq.gov.kz сайтында, 584586 адам Egov порталында тіркелу арқылы жауап берсе, 236353 адам санаққа Аitu қосымшасы арқылы қатысты.

Онлайн санақтан өткендер саны бойынша Түркістан облысы алда. Мұнда 799457 тұрғын санақтан өткені жайлы хабарлама алған. Онлайн санақтан өткен тағы 663522 адам Алматы облысында тіркелген. Үздік үштікті Шығыс Қазақстан облысы түйіндеді. Мұнда 575409 адам санақ сауалдарына жауап берді.

Бұл көрсеткіш бойынша әзірге соңғы екі орынды Маңғыстау және Солтүстік Қазақстан облыстары еншілеп тұр. Бұл өңірлерде сәйкесінше 168158 және 148428 адам санақтан өтіпті.

Ал, жергілікті халық санына шаққандағы санақтан өткендердің үлесі бойынша Қызылорда облысы алда тұр. Мұнда азаматтардың 47,6% сауалдарға жауап берген (1 тамыздағы жағдай бойынша өңірде 823052 адам тіркелген). Бұл көрсеткіш бойынша Шығыс Қазақстан облысы екінші орында. Мұнда тұрғындардың 42,3% бүгінге дейін санақтан онлайн режимде өткен (1 тамыздағы жағдай бойынша өңірде 1361163 адам тіркелген).

Ұлттық статистика бюросы азаматтардың белсенділігі үшін алғыс айта отырып, санақты онлайн өтуге шақырады. Онлайн санақтан өтпегендер 1-30 қазан аралығында интервьюерлердің сауалдарына жауап бере алады. Барлық сауалдар бойынша жауапты, оның ішінде интервьюерді қалай тануға болатыны жайлы мәліметтерді sanaq.gov.kz сайтынан немесе 1446 байланыс орталығына хабарласу арқылы білуге болады. Қоңырау шалу тегін.

Қазақстанда әркім маңызды!

www.stat.gov.kz/ Пайдаланушыларға / Ұлттық санақтары

Баспасөз қызметі:	Ақпараттық технологиялар департаментінің директоры:	Мекенжай:
Әсем Алданғарқызы	Е.А. Бекбердиев	010000, Нұр-Сұлтан қаласы
Тел. +7 (7172) 749002	Тел. +7 (7172) 749059	Мәңгілік ел , 8
Е-mail: a.aldangarkyzy@aspire.gov.kz		Министрліктер үйі, 4 кіреберіс