2021 жылғы қаңтар-шілдедегі демографиялық ахуалы туралы

2021 жылғы 1 тамызға еліміздегі халық саны 19029,5 мың адамды құрады, оның ішінде қалалықтар – 11274,6 мың (59,2%), ауылдықтар –7754,9 мың адам (40,8%). 2020 жылғы 1 тамызбен салыстырғанда халық саны 262 мың адамға немесе 1,4% өсті.

Халықтың табиғи қозғалысы

2021 жылғы қаңтар-шілдеде республика халқының табиғи өсімі 2020 жылғы қаңтар-шілдемен салыстырғанда (142,4 мың адам) 14,3% өсіп, 162,7 мың адамды құрады. Табиғи өсімнің жалпы коэффициенті 1000 адамға шаққанда 14,74 адамды құрады.

АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, 2021 жылғы қаңтар-шілдеде туылғандар саны 256 мың адамды құрады, бұл 2020 жылғы қаңтар-шілдеге (235,5 мың адам) қарағанда 8,7% көп. Туудың жалпы коэффициенті 1000 адамға 23,19 туылғандарды құрады.

Қарастырылып отырған кезеңде қайтыс болғандар 93,3 мың адамды құрады, бұл 2020 жылғы қаңтар-шілдеге (93,1 мың адам) қарағанда 0,1% көп. Өлім-жітімнің жалпы коэффициенті 1000 адамға 8,45 қайтыс болғандарды құрады.

2021 жылғы қаңтар-шілдеде республикада 1 жасқа дейін шетінеген 2006 нәресте тіркелді. 2020 жылғы тиісті кезеңмен салыстырғанда (1788 шетінеген нәресте) 12,2% артты. Нәресте өлім-жітімінің коэффициенті 1000 туғандарға шаққанда 7,84 оқиғаны құрады.

Халықтың көші-қоны

Көші-қон қызметі органдары ұсынған мәліметтерді өңдеу нәтижесінде, 2021 жылғы қаңтар-шілдеде елімізге тұрғылықты тұруға келгендердің тіркелу саны 5409 адамды, елімізден кеткендердің саны18198 адамды, көші-қонның айырымы -12789 адамды құрады.

Еліміздегі негізгі көші-қон алмасуы ТМД мемлекеттерімен өтуде. ТМД елдерінен келгендердің және сол елдерге кеткендердің көшіп-қонушылардың жалпы санынан үлесі 84,3% және 85,4% құрады.

Ел ішінде қоныс аударатын көшіп-қонушылар саны 2020 жылғы қаңтар-шілдемен салыстырғанда 10,6%-ға артты. Өңіраралық қоныс аудару бойынша халық көші-қонының оң айырымы еліміздің 4 өңірінде байқалды: Алматы (16902 адам), Нұр-Сұлтан (14222 адам), Шымкент (8965 адам) қалаларында және Маңғыстау облысында (310 адам).

www.stat.gov.kz / Ресми статистика / Салалар бойынша / Демографиялық статистика

Орындаушы:	Департамент директоры:	Баспасөз қызметі:	Мекенжай:
Ә. Алданғарқызы	Н.Е. Ханжігітов	Әсем Алданғарқызы	010000, Нұр-Сұлтан қаласы
Тел. +7 (7172) 749002	Тел. +7 (7172) 749061	Тел. +7 (7172) 749002	Мәңгілік ел , 8
		Е-mail: a.aldangarkyzy@aspire.gov.kz	Министрліктер үйі, 4 кіреберіс