Қазақстан Республикасындағы инфляция

Бір айда (2021 жылғы тамыз 2021 жылғы шілдеге) баға азық-түлік тауарларына – 0,1%, азық-түлік емес тауарларына – 0,6%, ақылы қызметтерге 0,8% жоғарылады.

пайызбен, өсуі

	2021 жылғы тамыз				2021 жылғы қаңтар-тамыз 2020 жылғы қаңтар-тамызға
	2021 жылғы шілдеге	2020 жылғы желтоқсанға	2020 жылғы тамызға	2015 жылғы желтоқсанға	2021 жылғы қаңтар-тамыз 2020 жылғы қаңтар-тамызға
Тауарлар мен қызметтер	0,5	5,8	8,7	46,6	7,6
Азық-түлік тауарлары	0,1	7,5	11,4	60,9	10,7
Азық-түлік емес тауарлар	0,6	5,2	7,3	47,8	6,3
Ақылы қызметтер	0,8	4,4	6,6	28,6	4,9

Бағаның өсуі басты пиязға – 7,6%, қырыққабатқа – 6,5%, құс етіне – 3,7%, күнбағыс майына – 2,2%, жылқы етіне – 2%, қарақұмық жармасына – 1,8%, қой етіне – 1,5%, макарон өнімдеріне, кондитерлік өнімдерге – 1,3%-дан, шошқа етіне, пастерленген сүтке – 1,1%-дан, шұжық өнімдеріне – 1%, ұнға – 0,8% сиыр етіне, шайға, нанға 0,7%-дан белгіленді. Минералды және ас су – 1,8%, алкогольды сусындар – 0,8%, темекі өнімдері 0,6% қымбаттады. Бағаның төмендеуі картопқа – 11,5%, жаңа жиналған көкөністерге 9,7% тіркелді.

Баға өсімі ранецке, оқушылардың рюкзагына – 6,4%, кеңсе тауарларға – 3,9%, балалар аяқ киіміне – 2%, балалар киіміне – 1,9%, құрылыс материалдарына – 1,6%, ыдысқа, жиһаз және үйге қажетті заттарға, тоқыма бұйымдарына – 0,7%-дан, жеке қолданылатын тауарларға – 0,6%, тұрмыстық аспаптарға 0,5% құрады. Баллондағы сүйытылған газ – 2,8%, дизель отыны 1,3% қымбаттады.

Баға деңгейі тұрғын үй-жайларды жөндеу және қызмет көрсету бойынша қызметтерге – 2,3%, денсаулық сақтау қызметтеріне – 1,1%, қоғамдық тамақтандыру қызметтеріне – 1%, шаштараздар мен сұлулық салондар қызметтеріне 0,6% жоғарылады. Таксимен жол жүру ақысы – 1,9%, қалааралық автобуспен 0,8% қымбаттады.

Тұрғын үй-коммуналдық қызметтер саласында тарифтер тарату желілері арқылы тасымалданатын газға – 4%, суық суға, суды бұруға 0,6%-дан жоғарылады.

Инфляция деңгейін сипаттайтын тұтыну бағасының индексі халықтың жеке тұтыну үшін сатып алатын тауарлары мен қызметтері бағасының өзгеруін көрсетеді. Тауарлар мен қызметтер жиынтығына 508 позиция кіреді. Бағаны тіркеу меншіктің түрлі нысандарындағы сауда және қызмет көрсету саласы кәсіпорындарының іріктеме жүйесі бойынша барлық облыс орталықтарында, астанада және қалалар мен аудан орталықтарының белгіленген шеңбері бойынша жүргізіледі. Біріктіру үшін пайдаланылатын салмақ жүйесі олардың шығыстары бөлігінде өткен жылғы үй шаруашылықтарын зерттеу материалдары негізінде есептеледі.

2021 жылғы қаңтардан бастап ТБИ–ді есептегенде азық–түлік тауарларының үлесі – 39,1%, азық–түлік емес тауарлар – 29,6%, ақылы қызметтер 31,3% құрады.

www.stat.gov.kz / Ресми статистика / Салалар бойынша / Баға статистикасы

Орындаушы:	Департамент директоры:	Баспасөз қызметі:	Мекенжай:
А.Р. Рашидов	Қ. Жақыпбекұлы	Әсем Алданғарқызы	010000, Нұр-Сұлтан қаласы
Тел. +7 (7172) 749536	Тел. +7 (7172) 749057	Тел. +7 (7172) 749002	Мәңгілік ел , 8
		Е-mail: a.aldangarkyzy@aspire.gov.kz	Министрліктер үйі, 4 кіреберіс