Кёрлингтен Қазақстан ерлер командасы Азиададағы шешуші ойында жеңіліп қалды

Бүгін IX қысқы Азия ойындарында кёрлингтен еліміздің ерлер құрамасы А тобындағы соңғы ойынында күтпеген жерден Қытайдың Гонконгынан жеңіліп қалды. Есеп: 5-8.

Біздің спортшылар кездесуді сәтті бастаған. Алайда 6-шы және 7-эндте қарсыласқа есе жіберіп, басымдықты уыстан шығарып алды.

Біздің команданың құрамы: Абылайхан Жүзбай, Айдос Аллияр, Әділ Жұмағожа, Арман Ирджанов (Ермек Мұсайынов резервте)

Өкінішке қарай, осыған дейін топта Филиппин мен Оңтүстік Кореядан ұтылған командамыз плей-офф кезеңіне шыға алмады.