Азат Күмісбай жастар арасындағы Әлем чемпионатында қола жүлде алды

Дзюдодан Тәжікстан астанасы Душанбеде өтіп жатқан жастар арасындағы әлем чемпионатында 81 кг сынға түсетін Азат Күмісбай тұғырға көрінді.

Ұлттық құрама спортшысы 3-орын үшін таласта жергілікті палуан Сунатулло Мусоевтан басым түсті.

Осыған дейін 60 кг дейінгі салмақта Талғат Орынбасар да әлем чемпионатының қола жүлдесін алған. 7 қазанға дейін жалғасатын бәсекеде 67 елден 531 жас татами шебері бақ сынап жатыр.