Жастар жылына арналған «Наурыз мейрамы» мерекелік велошеруі

Астана- 21 наурыз сағ 9.00-де «Сарыарка» велотрегінің аумағында (Қабанбай батыр к, 45 А) Жастар жылына арналған «Наурыз мейрамы» мерекелік велошеруі өтті. Шараны ҚР Мәдениет және спорт министрі  Арыстанбек Мұхамедиұлы ашты. Ерлер арасында 1 орынды Өмірқұл Ержан иеленді, 2 орын Құттыбек Даниярға бұйырды, 3 орын Крейс Андрейдің еншісінде. Әйелдер арасында 1 орын Ларцова Анастасияға бұйырды, 2 орынды Әбдукәрімова Жансая иеленді, 3 орын Рамазанова Ляззатқа бұйырды.

Ерлер арасында 1 орынды Сергебаев Сағдат алса, әйелдер арасында 1 орын Рамазанова Ляззатқа бұйырды. Ең жас қатысушы ерлер арасында Сейтбеков Тимур, қыздар арасында Ларцова Анастасия  үздік атанды.

Барлық қатысушылар алдын ала жасалған бағыт бойынша 6 шақырым жүріп өтті. Сонымен қатар, шара аясында армрестлинг, асық ату, тоғызқұмалақ, күрес, гір көтеру бойынша спортшылар өнер көрсетті. Сонымен қатар, қазақстың ескі салты бойынша тұсау кесу рәсімі өтті.

Жарыстың басты мақсаты – бұқаралық спорт түрлерін дамыту, оны халық арасында танымал ету, салауатты өмір салтын қалыптастыру.