IV қысқы Жасөспірімдер Олимпиадасы 2024 жылы 19 қаңтар мен 1 ақпан аралығында Канвон провинциясының (Корея Республикасы) Каннын қаласында өтеді.
Жарыстың ашылу салтанаты 19 қаңтарда Каннын қаласындағы Gangneuung Oval спорт кешенінде басталады. Бұл нысанда конькимен жүгіру спортынан жарыстар ұйымдастырылады. Ал Олимпиаданың жабылу салтанаты 1 ақпан күні Каннындағы Gangneung Olympic Park спорт кешенінде өтеді деп жоспарланған.
Канвон-2024 Ойындарына 14 пен 17 жас аралығындағы әлемнің 70 елінен 1800 спортшы қатысады. Мұнда 7 спорт түрінің 15 бағдарламасы бойынша 81 медаль жиынтығы сарапқа салынады.
Жасөспірімдер Олимпиадасында Қазақстанның жасөспірімдер құрамасы спорттың 5 түрінен бақ сынап, 55 медаль жиынтығын сарапқа салады. Қысқы Ойындарда ел намысын 42 спортшы биатлон, керлинг, конькимен жүгіру, шорт-трек, шаңғы жарысы, трамплиннен секіру, тау шаңғысы, шаңғы қоссайысы, фристайл могул және шайбалы хоккей спорт түрлерінен қорғайды.