Жергілікті өкілді органдардың шешімдері бойынша мұқтаж азаматтарға әлеуметтік көмек

Теміртау қаласында өмірлік қиын жағдай туындаған кезде: табиғи зілзаланың салдарынан, өрт кезінде, әлеуметтік мәні бар аурулар кезінде азаматқа (отбасына) не оның мүлкіне зиян келтірілген кезде, жан басына шаққандағы орташа табысы 0,6 еселенген ең төменгі күнкөріс деңгейінен аспайтын кезде төлемдер көзделген.

Көрсетілетін қызметті алушы мемлекеттік қызметті көрсету үшін жүгінген кезде әлеуметтік көмек тағайындау үшін қажетті дербес деректерді жинауға және өңдеуге келісімін көрсете отырып, еркін нысандағы өтінішті және мынадай құжаттарды ұсынады:

• жеке басын куәландыратын құжат;
• өтініш берушінің отбасы құрамы туралы мәліметтер;
• адамның (отбасы мүшелерінің) табыстары туралы мәліметтер);
• өмірлік қиын жағдайдың туындағанын растайтын акт және/немесе құжат

Құжаттар «Теміртау қаласының жұмыспен қамту және әлеуметтік бағдарламалар бөлімі» ММ немесе «электрондық үкімет» веб-порталы арқылы беріледі: www.egov.kz

Көрсету мерзімі: 8 (жеті) жұмыс күні

Өтінішті қабылдау және мемлекеттік қызметті көрсету нәтижесін беру: сағат 13.00-ден 14.30-ға дейінгі түскі үзіліспен сағат 9.00-ден 17.30-ға дейін,

Демалыс күндері: сенбі, жексенбі және мереке күндері Мекен-жайы / Тел: Теміртау қаласы.Чайковский көшесі 22, 3 каб., 95-55-55