«Қазақстан Республикасының Сыбайлас жемқорлыққа қарсы саясат тұжырымдамасын практикалық іске асыру» тақырыбында семинар-кеңес өткізілді.
2024 жылғы 4 сәуірде «Теміртау қаласының жұмыспен қамту және әлеуметтік бағдарламалар бөлімі» ММ-де «Қазақстан Республикасының Сыбайлас жемқорлыққа қарсы саясат тұжырымдамасын практикалық іске асыру» тақырыбында семинар-кеңес өткізілді.
Семинар-кеңес барысында Бөлімнің мемлекеттік қызметшілеріне Қазақстан Республикасының 2022-2026 жылдарға арналған сыбайлас жемқорлыққа қарсы саясат тұжырымдамасының негізгі ережелерін және сыбайлас жемқорлыққа қарсы заңнамадағы соңғы өзгерістері туралы егжей-тегжейлі түсіндірілді.
Семинарға қатысушылар кірістер мен мүлікті жалпыға бірдей декларациялауға, белгісіз тұлғалардың жеке шотына ақша қаражатын аудару жағдайына, сондай-ақ қарамағындағылардың сыбайлас жемқорлық құқық бұзушылықтар жасағаны үшін басшылардың дербес жауапкершілігіне қатысты мәселелерді талқылады.
Семинар қорытындысы бойынша мынадай ұсыныстар берілді:
- «Сыбайлас жемқорлыққа қарсы іс-қимыл туралы» Қазақстан Республикасы заңнамасының, Қазақстан Республикасы мемлекеттік қызметшілерінің Әдеп кодексінің нормалары мен қағидаттарын тұрақты негізде сақтау;
- заңда тәртіптік, әкімшілік не қылмыстық жауапкершілік көзделген теріс қылықтар мен өзге де құқық бұзушылықтар жасауға жол бермеу, сондай-ақ, семинарға қатысушылар сыбайлас жемқорлыққа қарсы тақырыпта бейнеролик көрді.