«Мүгедектерді оңалтудың кейбір мәселелері туралы» Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығымен бекітілген Мүгедектерді оңалтудың жеке бағдарламасына сәйкес Мүгедектерді протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен қамтамасыз ету қағидаларына сәйкес оларды ауыстыру мерзімдерін қоса алғанда.
«Мүгедектерді арнаулы жүріп-тұру құралдарымен қамтамасыз етуге құжаттарды ресімдеу» мемлекеттік қызметін алу үшін өтініш беруші Мемлекеттік көрсетілетін қызмет стандартына сәйкес жүгінеді:
1) «Азаматтарға арналған үкімет» мемлекеттік корпорациясының бөлімшелері (бұдан әрі – Мемлекеттік корпорацияның бөлімшесі);
2) Нұр-сұлтан және Шымкент қалаларының жұмыспен қамту және әлеуметтік қорғау басқармасы, Алматы қаласының әлеуметтік әл – ауқат басқармасы (бұдан әрі-қалалық басқармалар), қалалық, аудандық жұмыспен қамту және әлеуметтік бағдарламалар бөлімдері (бұдан әрі – жұмыспен қамту бөлімдері);
3) «электрондық үкіметтің» веб-порталы (бұдан әрі – веб-портал);
4) ұялы байланыстың абоненттік құрылғысы (бұдан әрі – абоненттік нөмір) - проактивті қызмет.
Мемлекеттік қызмет көрсету үшін қажетті құжаттар тізбесі:
«Азаматтарға арналған үкімет» мемлекеттік корпорациясының бөлімшелерінде, қалалық басқармаларда және жұмыспен қамту бөлімдерінде:
1) нысан бойынша өтініш;
2) оның жеке басын куәландыратын құжат (сәйкестендіру үшін);
3)мүгедектен сенімхат алған адам жүгінген жағдайда нотариаттық куәландыруды талап етпейтін мүгедектен сенімхат.
Ұлы Отан соғысының қатысушылары, мүгедектері және жеңілдіктері бойынша Ұлы Отан соғысының мүгедектеріне теңестірілген адамдар арызға Ұлы Отан соғысының қатысушысының, мүгедегінің немесе жеңілдіктері бойынша Ұлы Отан соғысының мүгедегіне теңестірілген адамның куәлігін қоса береді.
ҚР электрондық үкіметі арқылы-Egov: өтініш кілттің ЭЦҚ арқылы беріледі.
Мемлекеттік қызмет көрсету нысаны: қағаз түрінде/проактивті.
Мүгедектердің еңбек жарақатынан немесе кәсіптік аурудан арнайы жүріп-тұру құралдарын алуына өтініш берген кезде қосымша мәліметтер сұратылады:
Мүгедектер бір мезгілде бөлмелі және серуендеуге арналған кресло - арбаның бір түрімен не әмбебап кресло - арбаның бір түрімен қамтамасыз етіледі.
Бөлмелік және/немесе серуендеуге арналған кресло-арбаны әмбебап кресло-арбаға ауыстыру олардың біреуін ауыстыру мерзімі өткеннен кейін жүргізіледі.
Мемлекеттік корпорация бөлімшелеріне, қалалық басқармаларға, жұмыспен қамту бөлімдеріне жүгінген кезде Мемлекеттік қызмет көрсету мерзімі:
- құжаттар топтамасы тіркелген күннен бастап-он жұмыс күні,
- проактивті қызмет көрсету кезінде-келісім түскен күннен бастап-он жұмыс күні.
Мемлекеттік қызмет көрсету нәтижесі мүгедектерге арнаулы жүріп-тұру құралдарын ұсынуға құжаттарды ресімдеу туралы хабарлама. Мемлекеттік корпорация өтініш берушінің абоненттік нөміріне смс-хабарлама беру арқылы қабылданған шешім туралы өтініш берушіні хабардар етеді.
Веб-портал арқылы жүгінген кезде Мемлекеттік қызмет көрсету нәтижесі уәкілетті тұлғаның электрондық цифрлық қолтаңбасымен (бұдан әрі – ЭЦҚ) қол қойылған электрондық құжат нысанында өтініш берушінің «Жеке кабинетіне» жіберіледі.
Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздемелер:
«Мүгедектерді арнаулы жүріп-тұру құралдарымен қамтамасыз етуге құжаттарды ресімдеу» мемлекеттік қызметін ұсыну бойынша сұрақтар туындаған жағдайда, сіз консультация алу үшін келесі нөмірлер бойынша жүгіне аласыз: 3-59-72, 3-65-73, 3-66-28.
«Шахтинск қаласының жұмыспен қамту және әлеуметтік бағдарламалар бөлімі» ММ
