Қоғамдық жұмыстар - бұл атқарушы органдар ұйымдастыратын, қызметкердің алдын ала кәсіптік даярлаудан өтуін талап етпейтін, әлеуметтік пайдалы бағыты бар және азаматтардың уақытша жұмыспен қамтылуын қамтамасыз ету үшін жұмыспен қамту мәселелері жөніндегі уәкілетті органдардың жолдамасы бойынша орындайтын еңбек қызметінің түрлері.
Қоғамдық жұмыстарға жұмыспен қамту бөлімінде жұмыссыз ретінде ресми тіркелген азаматтар жіберіледі. Жұмыссыздарды тіркеу үшін" Жұмыспен қамту орталығы " ММ Наурыз көшесі, 148 мекенжайына жүгіну қажет. Өзімен бірге жеке куәлігі болуы қажет.
Қоғамдық жұмыстарға қатысу мерзімі 12 айға дейін.
Қатысушылардың еңбегіне ақы төлеу ағымдағы жылға Қазақстан Республикасының заңнамасында белгіленген айына бір ең төменгі жалақы мөлшерін құрайды.
Қаланың 30 кәсіпорнында қоғамдық жұмыстар ұйымдастырылды.
2020 жылы қоғамдық жұмыстарға 468 адам жіберілді (бір жылға жоспар-400 адам).