Ағымдағы жылдың 10 тамызында Саран қаласы полиция бөлімінің ғимаратында қала әкімінің орынбасары С. Бейскеевтің төрағалығымен Консультативтік-кеңесші орган комиссиясының отырысы шеңберінде бас бостандығынан айыру орындарынан босатылған және оларға қатысты пробация қолданылатын сотталған адамдармен кездесу өтті.

Кездесуге Саран қаласының құқық қорғау органдары қатысты: қала Прокуроры, Полиция бөлімі бастығының бірінші орынбасары, пробация қызметі инспекторы, сондай-ақ Жұмыспен қамту және әлеуметтік бағдарламалар бөлімінің, Мансап орталығының өкілдері.

Отырыс барысында сотталған адамдар ресми жұмысқа орналасу, тұрғын үй, материалдық көмек мәселелерін көтерді.

Жұмысқа орналасу, қайта оқыту, жұмыспен қамтудың белсенді шараларына қатысу, жеке іс ашуға өтеусіз мемлекеттік грант алу, шағын несие беру, әлеуметтік жәрдемақыларды ресімдеу және т. б. мүмкіндіктері туралы кеңес берілді.