Атаулы әлеуметтік көмекті қалай алуға болады?
АӘК (атаулы әлеуметтік көмек) аз қамтылған отбасылар және отбасының әрбір мүшесіне шаққандағы орташа айлық табысы ең төменгі күнкөріс деңгейінің 70% - ынан төмен болатын адамдар үшін мемлекеттік жәрдемақы болып табылады, яғни, 25 813 теңге. 2022 жылғы 1 тоқсанда кедейлік шегі 25 813 теңгені құрайды. Жан басына шаққандағы орташа табыс АӘК тағайындауға өтініш білдірген тоқсанның алдындағы тоқсанда алынған отбасының жиынтық табысын отбасы мүшелерінің санына және үш айға бөлу арқылы есептеледі. Есіңізде болсын, кірісті алдыңғы 3 айда санау керек.
АӘК тағайындау үшін азаматтарға egov.kz электронды үкімет порталы арқылы өтініш жолдау қажет, бұдан әрі жұмыспен қамту орталықтарының қызметкерлері мемлекеттік органдардың ақпараттық базаларындағы құжаттарды тексереді және нәтижесі туралы электрондық пошта немесе мессенджерлер арқылы хабарлайды. Немесе жұмыспен қамту орталығына өзіңіз барып, толық кеңес алуыңызға болады. Сондай-ақ, олар сіздің әлеуметтік көмек алушылардың критерийлеріне жататындығыңызды білу үшін кірістеріңізді есептеуге көмектеседі.
Анықтама үшін 5-27-88 нөмеріне хабарласуыңызға болады.