Халықты әлеуметтік қорғау – Қазақстанда жүргізіліп жатқан әлеуметтік саясаттың маңызды құрамдас бөліктерінің бірі.
Аз қамтылған және қиын өмірлік жағдайдағы азаматтарға көрсетілетін әлеуметтік қолдау түрлері:
Атаулы әлеуметтік көмекті (АӘК) «Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңына сәйкес жан басына шаққандағы орташа айлық табысы бар жеке тұлғаларға (отбасыларға) кедейлік шегінен төмен облыстарда, республиканың қалаларында, астанада белгіленген мемлекет ақшалай нысанда көрсетеді.
Мұқтаж азаматтардың жекелеген санаттарына әлеуметтік көмек табиғи зілзаланың немесе өрттің салдарынан қиын өмірлік жағдай туындаған, әлеуметтік маңызы бар ауру болған жағдайда сондай-ақ жан басына шаққандағы орташа табысы жергілікті өкілді органдар ең төменгі күнкөріс деңгейіне еселенген мөлшерде белгілеген шекті мәннен аспайтын, сондай-ақ еске алу және мереке күндері жергілікті бюджеттен ақшалай нысанда біржолғы және (немесе) мерзімді түрде көрсетіледі.
Тұрғын үй көмегі – аз қамтылған отбасыларға (азаматтарға) жергілікті өкілді органдар белгілеген «Тұрғын үй қатынастары туралы» Қазақстан Республикасының 1997 жылғы 16 сәуірдегі № 94 Заңымен белгіленген тәртіппен тұрғын үйді ұстауға жұмсалған шығыстар мен отбасылардың (азаматтардың) осы мақсаттарға шығыстарының рұқсат етілген шекті деңгейі арасындағы айырмашылықты өтеу үшін жергілікті бюджеттен берілетін төлем.
Үйде оқитын мүгедек балаларды материалдық қамтамасыз ету – мүгедек балаларды үйде оқытуға жұмсалған шығындарды өтеу үшін жергілікті бюджет қаражаты есебінен төлеу.