Көкшетау қаласының «Жұмыспен қамту және әлеуметтік бағдарламалар бөлімі» мемлекеттік мекемесі Көкшетау қаласы мәслихатының «Ақмола облысы Көкшетау қалалық мәслихатының 2019 жылғы 24 сәуірдегі № С-33/4 «Көкшетау қаласының ауылдық елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына бюджет қаражаты есебінен коммуналдық көрсетілетін қызметтерді төлеуге және отын сатып алуға әлеуметтік қолдау көрсету тәртібі мен мөлшерін бекіту туралы» шешіміне өзгерістер енгізу туралы» шешімінің жобасын (бұдан әрі – шешім жобасы) әзірледі.
Шешім жобасы Қазақстан Республикасының 2005 жылғы 8 шілдедегі «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңының 18-бабының 5-тармағына сәйкес әзірленді.
Осылайша, шешімнің қабылдануы қолданыстағы заңнамаға сәйкес мемлекеттік қолдау шараларын іске асыруға мүмкіндік береді.
Шешім жобасын қабылдау әлеуметтік-экономикалық және құқықтық жағымсыз салдарға әкеп соқпайды.
Шешім жобасы 2026 жылғы 10 қыркүйекте ашық нормативтік құқықтық актілердің интернет-порталында және «Көкшетау қаласының жұмыспен қамту және әлеуметтік бағдарламалар бөлімі» мемлекеттік мекемесінің сайтында орналастырылды.
Осыған байланысты аталған шешім жобасын талқылауға қатысуға шақырамыз.
кта.