Депутат халықпен кездесті

№ 8 бір мандатты аумақтық сайлау округі бойынша сайланған Солтүстік Қазақстан облыстық мәслихатының депутаты Владимир Бубенко жеке қабылдау өткізу шеңберінде Қызылжар ауданының Кондратовка және Боровское ауылдарының тұрғындарымен кездесті. Халық депутатқа жолдарды жөндеу, электр энергиясын қосу, сумен жабдықтау, жеңілдікті дәрі-дәрмектер алу, фельдшерлік пункт пен балалар алаңын салу туралы өтінішпен жүгінді.

Депутат Кондратовка ауылында ұзындығы 5 км жолды жоспарланып отырған орташа жөндеу туралы хабарлады. Сондай-ақ, Боровское ауылында тұрғындарға сапалы су беру үшін контейнерде суды тазарту жүйесі орнатылды, ал 2024-2026 жылдарға арналған Соколов топтық су құбыры жобасы шеңберінде су тарату желілерін салу жоспарлануда деді.

Кондратовка ауылында фельдшерлік пункт пен балалар алаңының құрылысына қатысты 2024-2025 жылдарға жоспарланған мерзімдер туралы хабарланды. Фельдшерлік пункт салу үшін жер учаскесі айқындалды, коммуникациялар қосылу үшін техникалық шарттар әзірленді. Балалар ойын алаңын орнату элеватор ауданында 2024-2025 жылдарға жоспарланған.

2024 жылдың қаңтарынан бастап SMS-код арқылы тексерілген пациенттерге жеке қызмет көрсету арқылы дәрі-дәрмек алудың жеңілдетілген жүйесі енгізілді. Пациенттер рецепті Петерфельд ауылының дәрігерлік амбулаториясында алады.

Кондратовка ауылындағы абоненттерді жаңа электр желісіне қайта қосу жұмыстары құжаттар мен өтініштерді жинау сатысында тұр. Бұл процестің аяқталуы жақын арада күтіледі.

Депутат тұрғындарды ауылдардағы жоспарланған жұмыстар туралы хабардар етті және жеке қабылдау барысында қойылған барлық сұрақтарға жауап берді.

 

Солтүстік Қазақстан облыстық мәслихаты