Депутаттың халықпен кездесуі

Облыстық мәслихаттың № 7 сайлау округі бойынша депутаты Сәуле Сұрағанова Қазақстан Республикасының Президенті Қ. К. Тоқаевтың Жолдауын талқылау бойынша Мамлют ауданында бірқатар кездесулер өткізді. «Покровская» БПҰ, «Воскресеновская» БПҰ мүшелерімен және Воскресеновка ауылындағы мәдениет үйінің қызметкерлерімен Мемлекет басшысының Жолдауының негізгі тармақтары талқыланды.

Депутат «AMANAT» партиясының аудандық филиалы фракциясының отырысына қатысты, онда Қазақстан Республикасының Президенті Қ. К. Тоқаевтың Жолдауы депутаттық фракция мүшелері мен Мамлют ауданының Саяси Кеңесі арасында талқыланды. Өз сөзінде Сәуле Сұрағанова Жолдаудағы бюджеттік және салық саясатын өзгерту қажеттілігі, өңдеу өнеркәсібі мен ауыл шаруашылығын дамыту, сумен жабдықтау мәселелері, елдің көліктік-логикалық әлеуетін дамыту, балалар мен жасөспірімдерге қатысты зорлық-зомбылық үшін жауапкершілікті қатаңдату туралы тармақтарға партияластардың назарын аударды.

Воскресеновка және Покровка ауылдарында Сәуле Қуандыққызы тұрғындармен жылу беру кезеңіне дайындық және жеке қосалқы шаруашылықтардың мал азығын дайындау туралы әңгімелесті. Ауыл тұрғындарының сұрақтарына жауап берді. Кездесулерден кейін азаматтар жеке мәселелері бойынша қабылданды.

 

Солтүстік Қазақстан облыстық мәслихаты