ШЕШТІ:
1-тармақ жаңа редакцияда жазылсын:
«1. Солтүстік Қазақстан облысының 2023 – 2025 жылдарға арналған облыстық бюджеті тиісінше осы шешімнің 1, 2 және 3-қосымшаларына сәйкес, оның ішінде 2023 жылға мынадай көлемдерде бекітілсін:
1) кірістер – 397 818 250,5 мың теңге, оның ішінде:
салықтық түсімдер – 43 973 425 мың теңге;
салықтық емес түсімдер – 1 444 278,4 мың теңге;
негізгі капиталды сатудан түсетін түсімдер – 3 081 мың тенге;
трансферттер түсімі – 352 397 466,1 мың теңге;
2) шығындар – 376 527 438,1 мың теңге;
3) таза бюджеттік кредиттеу – 22 785 630,3 мың теңге, оның ішінде:
бюджеттік кредиттер – 36 920 685,3 мың теңге;
бюджеттік кредиттерді өтеу – 14 135 055 мың теңге;
4) қаржылық активтермен операциялар бойынша сальдо – 2 500 000 мың теңге, оның ішінде:
қаржы активтерін сатып алу – 2 500 000 мың теңге;
мемлекеттің қаржы активтерін сатудан түсетін түсімдер – 0 мың теңге;
5) бюджет тапшылығы (профициті) – -3 994 817,9 мың теңге;
6) бюджет тапшылығын қаржыландыру (профицитін пайдалану) – 3 994 817,9 мың теңге:
қарыздар түсімі – 26 939 474 мың теңге;
қарыздарды өтеу – 34 053 339,7 мың теңге;
бюджет қаражатының пайдаланылатын қалдықтары – 11 108 683,6 мың теңге.»;
мынадай мазмұндағы 10-1-тармақпен толықтырылсын:
«10-1. 2023 жылға арналған облыстық бюджетте республикалық бюджеттен берілетін ағымдағы нысаналы трансферттер түсімі ескерілсін, оның ішінде:
1) халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға;
2) табиғатты қорғау және арнаулы мекемелер қызметкерлерінің жалақысын көтеруге;
3) қайта өңдеуші кәсіпорындардың ауыл шаруашылығы өнімін тереңдете қайта өңдеп өнім өндіруі үшін оны сатып алу шығындарын субсидиялауға;
4) эпизоотияға қарсы іс-шаралар жүргізуге;
5) ішкі нарыққа реттеушілік әсер ету үшін азық-түлік астығын өткізу кезінде агроөнеркәсіптік кешен саласындағы ұлттық компанияның шеккен шығыстарын өтеуді субсидиялауға;
6) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;
7) мектепке дейінгі білім беру ұйымдары педагогтерінің еңбегіне ақы төлеуді ұлғайтуға;
8) техникалық және кәсіптік, орта білімнен кейінгі білім беру ұйымдарында білім алушыларға мемлекеттік стипендияның мөлшерін ұлғайтуға.
Республикалық бюджеттен көрсетілген ағымдағы нысаналы трансферттерді бөлу «Солтүстік Қазақстан облысының 2023 – 2025 жылдарға арналған облыстық бюджетін бекіту туралы» Солтүстік Қазақстан облыстық мәслихатының шешімін іске асыру туралы Солтүстік Қазақстан облысы әкімдігінің қаулысымен айқындалады.»;
11-тармақ жаңа редакцияда жазылсын:
«11. 2023 жылға арналған облыстық бюджетте Қазақстан Республикасының Ұлттық қорынан берілетін нысаналы трансферт есебінен ағымдағы нысаналы трансферттер түсімі ескерілсін, оның ішінде:
1) «Жайлы мектеп» пилоттық ұлттық жобасы аясында салынған орта білім беру объектілерін күтіп-ұстауға;
2) халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға;
3) «Ауылдық денсаулық сақтауды жаңғырту» пилоттық ұлттық жобасы аясында денсаулық сақтау объектілеріне күрделі жөндеу жүргізуге;
4) «Ауылдық денсаулық сақтауды жаңғырту» пилоттық ұлттық жобасы аясында жергілікті деңгейде денсаулық сақтау ұйымдарын материалдық-техникалық жарақтандыруға.
Республикалық бюджеттен көрсетілген ағымдағы нысаналы трансферттерді бөлу «Солтүстік Қазақстан облысының 2023 – 2025 жылдарға арналған облыстық бюджетін бекіту туралы» Солтүстік Қазақстан облыстық мәслихатының шешімін іске асыру туралы Солтүстік Қазақстан облысы әкімдігінің қаулысымен айқындалады.»;
12-тармақ мынадай мазмұндағы 4), 5), 6), 7), 8), 9), 10), 11) тармақшалармен толықтырылсын:
«4) «Ауылдық денсаулық сақтауды жаңғырту» пилоттық ұлттық жобасы аясында денсаулық сақтау объектілерін салуға және реконструкциялауға;
5) көлік инфрақұрылымын дамытуға;
6) 2021 – 2025 жылдарға арналған кәсіпкерлікті дамыту жөніндегі ұлттық жоба аясында индустриялық инфрақұрылымды дамытуға;
7) арнайы экономикалық аймақтардың, индустриялық аймақтардың, индустриялық парктердің инфрақұрылымын дамытуға;
8) «Қуатты өңірлер – ел дамуының драйвері» ұлттық жобасы аясында қалалардағы сумен жабдықтау және су бұру жүйесін дамытуға;
9) «Қуатты өңірлер – ел дамуының драйвері» ұлттық жобасы аясында инженерлік-коммуникациялық инфрақұрылымды дамытуға және (немесе) жайластыруға;
10) жылумен жабдықтау жүйесін дамытуға;
11) облыс орталықтарында инженерлік және көлік инфрақұрылымын дамытуға.»;
13-тармақ мынадай мазмұндағы 4) тармақшамен толықтырылсын:
«4) агроөнеркәсіптік кешендегі инвестициялық жобаларға.»;
мынадай мазмұндағы 14-1-тармақпен толықтырылсын:
«14-1. 5-қосымшаға сәйкес 2023 жылға арналған облыстық бюджеттің шығыстары 2023 жылғы 1 қаңтарға қалыптасқан бюджет қаражатының бос қалдықтары мен облыстық бюджеттен және республикалық бюджеттен берілген 2022 жылы пайдаланылмаған (толық пайдаланылмаған) нысаналы трансферттерді қайтару есебінен қарастырылсын.»;
көрсетілген шешімнің 1-қосымшасы осы шешімнің 1-қосымшасына сәйкес жаңа редакцияда жазылсын;
осы шешімнің 2-қосымшасына сәйкес 5-қосымшамен толықтырылсын.
|
Солтүстік Қазақстан облыстық мәслихатының төрағасы |
|
В.Бубенко |