Қазақстан Республикасының «Қазақстан Республикасының мемлекеттік қызметі туралы» Заңының 33-бабы 5-тармағына, «Мемлекеттік әкімшілік қызметшілердің қызметін бағалаудың кейбір мәселелері туралы» Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2018 жылғы 16 қаңтардағы № 13 бұйрығына сәйкес, Солтүстік Қазақстан облыстық мәслихаты ШЕШТІ:
- «Солтүстік Қазақстан облыстық мәслихат аппараты» коммуналдық мемлекеттік мекемесінің қоса берілген «Б» корпусы әкімшілік мемлекеттік қызметшілері қызметін бағалау әдістемесі бекітілсін.
- «Солтүстік Қазақстан облыстық мәслихат аппараты» коммуналдық мемлекеттік мекемесі Қазақстан Республикасының заңнамасында белгіленген тәртіпте осы шешім ресми жариялағаннан кейін Солтүстік Қазақстан облысы мәслихатының интернет-ресурсында орналастыруды қамтамасыз етсін.
- Осы шешімның орындалуын бақылау Солтүстік Қазақстан облысы мәслихат аппаратының басшысына жүктелсін.
- Осы шешім оның алғашқы ресми жарияланған күнінен бастап қолданысқа енгізіледі.