СҚО әкімі су тасқынына дайындыққа қатысты қорытынды кеңес өткізді

Бүгін облыс әкімі Ғауез Нұрмұхамбетов Қызылжар ауданында су тасқынына дайындықты тексерді. Прибрежное ауылындағы орта мектепте орналасқан эвакуациялау пунктін аралады. Сондай-ақ, Тепличное ауылында инертті материалдарды қаптарға дайындау барысын, су сору қондырғылары мен құралдардың дайындығын бақылады.

Сондай-ақ өңір басшысы Бескөл ауылында жақын маңдағы аудандар – Қызылжар, Есіл, Мамлют, Мағжан Жұмабаев, Жамбыл аудандары мен Петропавл қаласы әкімдерінің, жауапты басшылардың қатысуымен қорытынды жиын өткізді.

"Су тасқыны - өте күрделі мәселе. Қазір ауа-райының жылынуы байқалып, қар еруде. Жауапты басшыларға су тасқыны кезеңінде тәуекелдерді барынша азайту үшін қажетті шараларды қабылдауды тапсырдым", - деп жазды өңір басшысы әлеуметтік желіде.