СҚО әкімі Үкімет сағатында өңірдегі жағдайды жақсартатын ұсыныстармен бөлісті

Бүгін Сенатта өткен Үкімет сағатында облыс әкімі Ғауез Нұрмұхамбетов өңірдегі демографиялық жағдайды жақсарту және өзекті мәселелерді шешу бойынша баяндама жасап,  ұсыныстарды айтты.

Атап айтқанда, келесілер ұсынылады:

✅️ СҚО-да тұрақты тұратын жанұяларға жаңа туған және бала күтімінің біржолғы жәрдемақысын және көп балалы отбасыларға берілетін ай сайынғы жәрдемақыны 2 есеге өсіру.

✅️еңбекпен қамтылған әрбір жұмыссызға 2 жыл бойы жұмыс берушілерге 30 АЕК субсидия төлеудің жаңа механизмін енгізу.

✅️ерікті қоныс аудару шеңберінде экономикалық ұтқырлық сертификатын 1625 АЕК-ке дейін ұлғайту.

✅️ облысішілік қоныстандыру аясында «Еңбек» бағдарламасы бойынша тұрғын үйлерге көшуге  құқығы бар тұлғалар санатын кеңейту, оларға экономикалық ұтқырлық куәліктерін беруді қамтамасыз ету

✅️аймақтық бағдарламаны «Отбасы Банкі» арқылы республикалық бюджеттен қоса қаржыландыру

"Сондай-ақ облысымызды газдандырудың маңыздылығын да атап өттім. Жалпы, бұл шаралар солтүстікқазақстандықтардың әл-ауқатын жақсартып, тұрғындардың кірісін көбейтіп, демографиялық ахуалға оң әсерін тигізеді", – деп атап өтті өңір басшысы.