СҚО әкімі мектептерді дайындау жұмыстарын күшейтуді тапсырды

Өңір басшысы Айдарбек Сапаров облыс орталығындағы мектептерді аралады. Облыс әкімі білім беру нысандарындағы күрделі жөндеу жұмыстарының барысын, мектептердің жай-күйі мен абаттандыру жұмыстарын тексерді. Аймақ басшысы мердігерлерге жөндеу жұмыстарын күшейтіп, мерзімінде аяқтауды тапсырды.

Сондай-ақ мектептердің аумағын абаттандыруға, спорттық алаңдарды орнатуға да көңіл бөлу қажет. Айдарбек Сапаров облыс бойынша мектептердің дайындығын тексеру үшін комиссиялар құруды тапсырды. Барлық жұмыстар 25 тамызға дейін аяқталуы тиіс.