СҚО әкімі мен «Атамекен» төрағасы кәсіпкерлікті дамыту перспективаларын талқылады

Солтүстік Қазақстан облысының басшысы Айдарбек Сапаров «Атамекен» Ұлттық кәсіпкерлер палатасының басқарма төрағасы Райымбек Баталовпен кездесті. Тараптар өңірдегі кәсіпкерлікті дамытудың келешегін талқылады.

Солтүстік Қазақстан облысында бизнес-навигаторды, яғни кәсіпкерліктің экономикалық картасын және инвестициялық жобалардың арнайы тізілімін енгізу тақырыбы қозғалды. Карта аймақ туралы толық ақпаратты көрсетеді, сонымен қатар бизнес үшін перспективаны анықтауға мүмкіндік береді.