СҚО әкімі: «жедел медициналық көмек орталығының мәселесі шешіледі»

«Петропавлдағы облыстық жедел медициналық көмек орталығына бардым. Орталықтың ғимараты 1905 жылы салынған, қазір заман талабына сай емес. Жақын арада әртүрлі нұсқаларды қарастырып, оңтайлы шешім қабылдаймыз. Орталық қызметкерлеріне бар жағдайды жасау керек, өйткені жедел жәрдемнің сапасы осыған тікелей байланысты», — деп жазды облыс әкімі Айдарбек Сапаров әлеуметтік желідегі парақшасында.